Кафе муабет
Не е онака како што се пишуваше: Би купиле ли вие вакви колбаси – луѓето ги одбегнуваат
Производителот на колбаси од Јоркшир Хек ги повлече своите вегански производи од пазарот со објаснување дека луѓето не се подготвени да се префрлат на „замена за месо“.
Компанијата го намали од 15 на 2 својот асортиман погоден за веганите, поради ниската побарувачка.
Управниот директор Ендрју Кибл рече дека клиентите не се толку ентузијасти за вегански колбаси како што се мислеше.
За Дејли Телеграф изјави: „Имавме огромен асортиман на вегански производи бидејќи, како и сите други, верувавме во она што се пишува во печатот. Веганскиот пазар е навистина смешен.
Всушност имавме некои неверојатни производи кои беа многу функционални… како што е оној со киноа и цвекло во него. Но, јавноста некако сè уште не беше сосема подготвена за тоа. Луѓето не го сакаат целиот тој зеленчук во колбасот“.
Продажбата на производи без месо во супермаркеите падна за 37,3 милиони фунти во годината заклучно со септември, открија аналитичарите на NielsenIQ.
Само минатиот месец производителите на смути „Innocent Drinks“ отфрлија низа вегански пијалоци со вкус на кокос, бадем и лешник со млечни производи, шегувајќи се на социјалните мрежи дека не биле популарни.
„Знаеме дека некои од вас навистина ги сакаат овие пијалоци, па сакавме да го искористиме ова време за да ви се заблагодариме што ги купивте. Ние навистина ве цениме вас петмина“, се вели во соопштението на компанијата.
Продажбата на намирници на вегански и вегетаријански производи опадна во текот на изминатата година.
ФОТО: Принтскрин
ФОТО: Принтскрин
