Исповед на Ѓоковиќ: Браќата го малтретирале, дење одел на училиште навечер тренирал- Ноле откри интересни детали кои никој не ги знаеше

Најдобриот тенисер во светот Новак Ѓоковиќ сака да го запечати статусот најдобар играч на сите времиња и моментално е во Австралија.

Тој ќе го игра осминафиналето во Аделаида, што е само загревање за Австралија опен, каде ќе атакува на својата 22. Грен слем титула.

Во Мелбурн би стигнал до својата јубилејна 10-та слем титула, патем ќе се израмни со Рафаел Надал.

Сега излегоа интересни детали од детството на Новак а тој откри и како се запознале неговите родители.

– Копаоник е мојот Олимп. Таму научив да скијам. Дури и татко ми се сретна со мајка ми на таа патека. За да ја заведе, тој намерно паднал пред неа и и ги понудил своите услуги како инструктор за скијање. Десет месеци подоцна се родив, а шест месеци потоа тие се венчаа – изјави Новак.

Ноле откри дека отсекогаш сонувал да биде број еден.

– Си поставив високи цели, а тоа е да го освојам Вимблдон и да бидам најдобар во светот. Импровизирав трофеј на Вимблдон во мојата соба, го држев и реков дека сум шампион и број еден.

Ѓоковиќ кажа и како реагирал прв пат кога изгубил меч.

– Првиот меч го добив по тај-брејк 10:8. Бев многу исцрпен. Мајка ми ме прегрна и ми надојдоа солзи. Следниот ден загубив од Виктор Троицки со 9:0. Повторно плачев. Многу плачев како дете! Мама најдобро знае – вели Ноле, кој тогаш ги  заработил првите пари и си купил дрес.

Ѓоковиќ  одел во основното училиште „Бора Станковиќ“ во Бањица. Извесен период тој и неговите браќа живееле кај дедо му Влада, бидејќи Срѓан и Дијана работеле на Копаоник. Преку ден држеле часови по скијање, а навечер служеле пица во нивниот ресторан „Биг Бул“.

– Тој ресторан ми ги плаќаше патувањата до 18 години. Одев на училиште преку ден, а попладне вежбав тенис. Играв ноќе, бидејќи само така имав време – се присетува српскиот ас.

Интересно е дека и покрај тоа што од мал знаел дека ќе има голем успех и се посветил целосно на тенисот, Ноле сепак не ги изоставил детските игри со своите браќа.

Тој се присети на моментите кога имале и конфликти.

– Добро ме удираа иако се помлади од мене. Еднаш се вратив од турнир во мојот стан и почувствував дека двајцата нешто ми подготвуваат. Ме пречекаа и ме замолија да играм. Ме однесоа во соба, Марко почна да ме дави, а Џоле ме удри по глава! Пукнаа од смеење, а носот ми крвари! Кога се освестив, тие избегаа во бањата и се заклучија. Го зедов гумениот чекан и седнав чекајќи да излезат. Кога ја отворија вратата, ги поздравив и имав „разговор“ со нив. Не се каравме повеќе.