Голема причина за славење во домот на Брена и Боба: Пејачката замина на Флорида и објави убави вести

Лепа Брена замина на американска турнеја и објави фотографија со сопругот Боба Живојиновиќ и се означи на Флорида.

Пејачката со насмевка позираше со сопругот додека седеа во ресторан и наздравија со чаша вино по повод нејзиниот 62-ри роденден.

На роденденската честитка се придружи и пејачката Сања Ѓорѓевиќ, која објави фотографија со Брена од нивниот одмор, каде се во костими за капење.

– Посакувам овие долги нозе да го обиколат светот уште безброј пати. Шетај гордо како порано – напиша Сања на Инстаграм.

Инаку, како што истакнува Брена, не ги сака своите родендени.

-Ако некој е реален и свесен за поминувањето на времето, како мене, ќе ужива во се. Имам причина да уживам, бидејќи сум свесна за се што сум постигнала и имам прекрасно семејство. Сè уште размислувам реално и рационално за животот и уживам во постигнувањата и целите што си ги поставив.
Среќна сум кога моите деца ги реализираат своите цели и кога сè оди по својот нормален тек. Среќна сум кога Боба и јас имаме свои планови. Работам, а потоа има и причина да се радувам на годишниот одмор. Инаку, јас не сум љубител на сопствените родендени, повеќе сакам туѓи и детски родендени. Единственото место каде што сакам да бидам во центарот на вниманието се моите концерти, се друго ми е премногу. Затоа сакам моите прослави да бидат што е можно помирни, без помпа и лудило. Не ми треба повеќе. Затоа овој роденден го славам со Боба со убав ручек и фантастично вино. Добро ми стојат годините, среќна сум – изјави Брена за Story.

Болеста се вратила…

Многумина не знаат дека Лепа Брена веќе 17 години се бори со тромбозата која успешно ја држеше под контрола.

Летово одржа голем број концерти, а неодамна го промовираше и својот бренд на хулахопки.

Но, сега една од најголемите музички ѕвезди на Балканот се сомнева дека болеста повторно се вратила.
Брена е позната и како личност која многу внимава на своето здравје и исхрана, а на 61 година има совршено витка линија и изгледа помладо десетина години. И покрај тоа, таа во последните години се соочува со сериозни здравствени проблеми.

-Боба многу се изнервира кога Брена му кажа дека се сомнева дека се вратила тромбозата. Веднаш го повикал докторот кој ја оперирал и закажал нов преглед. Тој и рекол на Брена дека не смее да чека ниту еден ден и дека мора што поскоро да оди на преглед бидејќи не би издржал да ја изгуби, вели извор близок до семејството, а пренесува Папарацо.

Секој знае дека тромбозата е многу подмолна болест, па затоа треба да биде внимателна.

– Свесна е дека тромбозата е тешка болест и дека до сега успеала да ја држи под контрола, но тоа е подмолно заболување. Нов тромб може да се формира за неколку секунди и да предизвика хаос. За неа многу се исплашил и синот Виктор, заклучува изворот.

Да потсетиме, Лепа Брена во една прилика откри дека има тромбофилија поради која останала неподвижна 12 дена, а признала и дека подоцна повторно го загрозила своето здравје. Пејачката раскажа како останала без здив на настап на кој не пиела многу вода, а во еден момент забележала дека нејзината рака е виолетово-сина.

Тромбозата и се вратила во 2005 година, а Брена вели дека таа е самата виновна. После тоа решила да го промени начинот на живот.

– Целосно го променив начинот на исхрана. Се свртев кон храна богата со омега три и омега шест масни киселини, месо без свинско и јагнешко, сè готвам во вода и на пареа, а лебот целосно го исфрлив. Јадам овошје и зеленчук, а исто така сакам да пијам вино една до две чаши. Целата оваа моја приказна стана многу умерена, не смеам да се прејадам, но не смеам да бидам ниту гладна. Сакам да пливам, да пешачам, но и да вежбам јога, објасни пејачката која на секој начин се грижи за своето здравје откако ѝ беше поставена дијагнозата.