Пoчина кученцето што влезе во Гинисовата книга на рекорди – имаше 22 години и цел живот јадеше само храна за мачки

Најстарото живо куче на светот кое јадело храна за мачки и родило 32 кутриња, почина на само неколку месеци пред наполни 23 години.

22 годишната Пеблс, минијатурен Фокс Териер, почина во понеделникот од природни причини во домот на нејзините сопственици Боби и Џули Грегори во Јужна Каролина.

-Таа беше сопатник од оние кои ги добиваш еднаш во животот. Ни беше чест и благослов што ја имавме за наше милениче-рече нејзината газдарица Џули Грегори.

-Не постои личност која ја запознал Пеблс а не ја засакал-додаде таа.

Пеблс влезе во Гинисовата книга на рекорди за најстаро куче во мај, неколку недели откако 21 годишната Шкотска чивава со име Тоби Кит е наградена со ова признание.

Боби и Џули сфатија дека Пеблс е постара, ја потврдија нејзината старост и поднесоа за рекорд и го превземаа местото на Тоби Кит само неколку недели подоцна.

-Боби седеше на софата, кога голем број пријатели и роднини почнаа да му испраќаат пораки и да му се јавуваат кога ја виделе приказната за 21 годишното куче кое влегло во Гинисовата книга на рекорди-изјави Џули за Гинис.

Сега откако Пеблс почина, Тоби Кит, повторно ќе ја поврати својата круна за најстаро живо куче на светот.

Пеблс е родена во Лонг Ајленд, Њу Јорк, пред да биде преселена на југ во 2007ма година.

Кога нејзиното семејство ја посвоило, всушност тие имале друг план. Сакале да посвојат многу поголемо куче. Се се сменило кога само ја виделе и веднаш се вљубиле во Пеблс, која тогаш била тешка нешто помалку од 2 килограми.

За време на својот животен век Пеблс родила 32 кутриња со својот партнер Роки кој починал во 2017 година на возраст од 16 години.

Во 2012 година ветеринарот ја префрлил Пеблс на храна за мачки затоа што таа храна содржи повеќе протеини и од време на време уживаше кога ќе биде наградена со награда од ребра.

Уживала да слуша кантри музика и уживала во топли бањи, според нејзиното семејство.

Најстаро куче на светот кое некогаш живеело се смета Блуи, Австралиско куче, кое живеело 29 години.

Блуи починал во Австралија во 1939 година.

Извор: Дејли Меил