НИКОГАШ НЕ СТЕ ЈА ВИДЕЛЕ ВАКВА: Пријовиќ целосно го промени имиџот- фановите воодушевени од ова издание на пејачката

Пејачката Александра Пријовиќ важи за една од оние која не се променила многу од почетокот на кариерата и покрај неколкуте естетски корекции, сепак остана доследна и не направи драстична промена која би ја довела до непрепознатливост.

Неодамна поради потребите за снимање спот реши да стави атрактивни шишки кои и прилегаа фантастично, но сега следуваше уште една неочекувана трансформација.

Имено, Прија решила да излезе од својата комфорна зона и објавила фотографија со познатата Боб-фризура. Иако сме навикнати да ја гледаме со долга коса, мора да признаеме дека оваа фризура одлично и прилега.

„Дефинитивно си најубава вака“, „Убавица“, „Сè ти стои добро Прија“, „Секогаш како принцеза“, „Ти нема рамна“, „Изгледаш светски“, „Подготвена за црвениот тепих “, ова се само дел од реакциите на фановите на новиот имиџ на Прија.

Од почетокот на нејзината кариера, кога имаше само шеснаесет години има направено неколку естетски корекции.

Изгледот на Александра Пријовиќ се менуваше со годините, исто како и нејзината личност, па денес важи за една од најубавите жени на јавната сцена.

Од времето кога ја започна кариерата, таа го промени стилот, бојата на косата, стилот на шминкање и денес изгледа беспрекорно.

Инаку денес пејачката Александра Пријовиќ ужива во хармоничен брак со Филип Живојиновиќ, а нивната врска уште од самиот почеток ја заинтригира јавноста, па често се шпекулира и дека се разведуваат или дека има несогласувања меѓу нив.

– Многу пати ме разведуваа. Само што почнавме да се забавуваме, пишуваа дека сме се свршиле, не знам уште колку пати, не ли беше доволно? – рече Александра во една прилика.

Деновиве повторно се шпекулираше за нивни несогласувања. Филип Живојиновиќ, кој со години работеше како угостител и продуцент реши да се посвети на режијата, па затоа вложи повеќе од милион евра во снимањето на филм во кој ќе има познати личности од светот на актерството, и токму кога сите мислеа дека ќе има место и за Александра, во медиумите се појавија информации дека новопечениот директор не ја земал во предвид својата сакана.

За разлика од јавноста која овој потег на синот на Боба Живојиновиќ го доживеа како предавство на неговата сопруга, Александра не гледаше проблем во тоа.

Патувањето во актерските води во серијата „Убијците на татко ми“ за неа беше само патување, по што истакна дека повеќе нема да биде пред камерите, барем не како актерка.

– Не бев за глума, но ме убедуваа. Беше прекрасно искуство, научив многу, но не би прифатила повеќе улоги бидејќи сум пејачка, а не актерка – изјави Пријовиќ, која се подготвува за голем концерт во Белград и затоа не би имала време да се занимава и со новиот проект на Филип.

Ако се земе предвид сето горенаведено, се констатира дека проблемите во бракот на Филип Живојиновиќ и Александра Пријовиќ овојпат и конкретно поради споменатата тема ќе изостанат и дека сопружниците исклучиво ќе се поддржуваат во новите професионални предизвици во наредниот период.