Харис Џиновиќ прозборе за својата 29-години помлада сопруга: Беше љубоморна како ѓавол

Популарниот фолкер, пејачот Харис Џиновиќ е препознатлив по капите што не ги симнува.

Тој сега откри како дошол до идеја да почне да го носи овој додаток кој со текот на годините стана негов заштитен знак.

– Капата првпат ја ставив кога почнав да пеам циганска музика, за да изгледам што е можно поцигански. И таа остана таму – рекол Харис.

Харис е во брак повеќе од две децении, а пејачот призна дека неговата сопруга порано била љубоморна.

– Па, тоа навистина поминува со времето, но зависи за каква љубомора се работи. Не знам зошто не би и пришле, ако се добри и закажуваат состанок, зошто да не. И таа е љубоморна, што знам… Знам дека беше љубоморна како ѓавол, а сега не знам – изјави пејачот кој е 29 години постар од својата поубава половина.

Нивната ќерка Џина неодамна го прослави полнолетството, а освен што е популарна на социјалната мрежа ТикТок, има многу следбеници и на Инстаграм каде често споделува фотографии и видеа со своето момче.

– Дечкото е супер, љубезен, фин. Никогаш не ме прашаа за совет. И ако им дадам некој совет, не верувам дека би го прифатиле – изјави Џиновиќ.

Да потсетиме, Харис и Мелина Џиновиќ се венчаа летото во 2014 година. Тогаш веќе ги имаа ќерката Џина и синот Кан, како и 12 годишно живеење под ист покрив.

– Рокерски сме ориентирани, па така живеевме. Бракот не мора да постои доколку чичкото од Општината го прогласи за валиден, објасни Харис.

Судбоносното „да“ го кажаа на 11 јули на луксузната јахта „Maltese Falcon“ укотвена во близина на Дубровник.

Иницијативата за официјализирање на врската била од кумата на Мелина, Славица Еклстон, поранешна сопруга на сопственикот на Формула 1, која од неофицијален разговор сфатила дека Џиновиќ официјално не се во брак. Во тој момент решила да ги земе работите во свои раце. Кум на Харис беше индустрискиот магнат Филип Цептер.

На свадбената церемонија присуствуваа триесетина гости, блиски пријатели и членови на семејството, па атмосферата беше интимна.

– Не го одредивме точното време на венчавката, но на палубата отидовме во самрак за да ја завршиме формалноста. Немаше нервоза или трепет, карактеристични за вакви настани. Со особена леснотија го зедов презимето бидејќи од 2003 година го сметам за свое. Џина и Кан беа пресреќни, присуствуваа на свадбата на нивните родители и на тој начин доживеаја нешто од што повеќето деца се лишени – изјави Мелина, која откри и интересна анегдота.

На свадбата на бардот на народната музика главен беше диџејot кој за таа пригода допатува од Белград. На почетокот се пушташе забавна музика, а потоа на барање на присутните микрофонот го зеде младоженецот.

– Ја испеав „Shoot down the Moon“, од Елтон Џон, омилената песна на Мелина. Славица сакаше да ја слушне „Како ми недостигаш“, а сопругата сакаше да ја слушне песната на Шабан Шаулиќ „Само за неа“. Тоа беше совршен микс, кој, како што се надевавме, се поклопи со вкусот на гостите.

Парот посебен акцент стави на менито кое беше во рангот на најдобрите ресторани во светот. Гостите 12 часа уживаа во внимателно одбрани специјалитети, а во понудата доминираа диви риби, морски плодови, и совршено изблендирано овошје и зеленчук. Ретките француски и италијански вина и шампањи од познатите визби на Бордо само ја комплетираа гастрономската рапсодија на отворено море.

– Дубровник беше првата станица на деветдневното крстарење. По свадбата продолживме со пловењето. Ги посетивме Пељешац, Корчула, Вис, Хвар, Сплит, Трогир… Никому не му требаше лудо време, сакавме да бидеме во добро друштво, да бидеме опуштени, да уживаме во мирот на морето, ведро небо, чист воздух и совршена храна – заклучи Харис Џиновиќ.