ОВАА ЗГОДНА МАКЕДОНКА Е ВИНОВНА ЗА КРАХОТ НА 10 ГОДИШНАТА ВРСКА НА ПИКЕ И ШАКИРА: Убавата Драгана се огласи за медиумите, еве во какви односи е со фудбалерот!

Целиот свет беше изненаден од веста за раскинувањето на еден од најхармоничните славни парови – фудбалерот Жерар Пике и пејачката Шакира.

Кога почнаа гласините, на почетокот сите мислеа дека тоа се само озборувања, но потоа се огласи славната Шакира која потврди дека таа и Пике навистина раскинале по 11 години заеднички живот и две деца.

– Жал ни е но мора да ја потврдиме нашата разделба. За доброто на нашите деца, кои се наш најголем приоритет, ве молиме почитувајте ја нивната приватност. Ви благодариме за разбирањето, стои во нејзината изјава.

Шакира не ги коментираше причините за раскинувањето, но на големо се шпекулира дека го фатила Пике како ја изневерува и не сакала да премине преку тоа.

Емилио Перез де Розас, новинар во дневниот весник Ел Периодико, беше првиот кој зборуваше за нивното раскинување и откри дека Шакира го фатила Пике како ја изневерува.

Истиот весник откри и неколку детали за тоа која е девојката со која наводно Пике ја изневерувал Шакира која е една од најатрактивните пејачки во светот. Имено, тие тврдат дека Пике бил со 20-годишна русокоса девојка и дека била студентка која работела како хостеса во Барселона.

Фудбалерот не го потврди ова, а не требаше долго време за да почнат да го поврзуваат со други жени.

Девојка од Балканот се најде во приказната. Станува збор за македонската старлета Драгана Спасовски која живеела во Пловдив, Бугарија, а веќе подолго време живее во Дубаи, пренесоа македонските медиуми.

Наводната врска меѓу неа и Пике ја објавија бугарските медиуми откако на нејзиниот Инстаграм профил на кој ја следат околку 55 илјади луѓе забележале фотографија со познатиот фудбалер.

Драгана даде изјава за Фокус но мудро реши да не ги потврдува или негира овие наводи.

„Секако дека го познавам Пике, имаме заеднички фотографии, тоа не е нешто што можам да го негирам. Фотографиите се веќе објавени во Бугарија. Но, не можам да зборувам за деталите, за сето она што изминативе денови доаѓа до медиумите. Не можам да го тврдам, ниту да коментирам“, изјави Драгана за Македонски Фокус.

„Приказната за нас е многу актуелна во Бугарија, но сега ниту ќе ја потврдам, ниту ќе демантирам, се надевам дека ме разбирате“, заклучи таа.

Да потсетиме, Шакира и Жерар Пике се запознаа на снимањето на видеото за нејзината песна Waka Waka, која беше химна на Светското првенство во фудбал во 2010 година.

Набргу потоа, парот ја потврди својата врска во мај 2011 година, откако заедно настапија на сцената на концертот на Шакира во Шпанија.

Во јануари 2013 година го добија првото дете Милан Пике Мебарак, а во јануари 2015 година се роди вториот син Саша Пике Мебарак. Во април 2017 година, Шакира објави сингл посветен на Пике наречен „Me Enamore“, што буквално значи „Се заљубив“.

Колумбиската пејачка и шпанскиот фудбалер разговарале за нивните планови да останат вонбрачна заедница. Пејачката никогаш не сакала да се омажи и двајцата главно ја држеле својата врска подалеку од љубопитните очи на јавноста. И покрај тајноста и приватноста, светот ја обожава моќната двојка повеќе од една деценија.

Во интервју за шоуто 60 минути во 2020 година, Шакира рече: „Не сакам тој да ме гледа како жена. Претпочитам да ме гледа како своја девојка, љубовница. Тоа е малку како забрането овошје.