Илда Шаулиќ си ја отвори душата: Поради татко ми сите врати ми беа отворени

Популарната пејачка својата музичка кариера ја гради без скандали. Илда откри дека многу и помогнало тоа што има препознатливо презиме, но дека со себе донело и одредена одговорност.

Ќерката на Шабан Шаулиќ се обиде да создаде своја кариера и уникатен стил.

-Секако, секогаш ми беше олеснување што сум ќерка на Шабан Шаулиќ. Отпрвин сите врати ми беа отворени. Звучно, познато презиме, луѓето веднаш знаеја за кого се работи. Колку што беше добро, толку може да биде и лошо. За сите овие 13 години што пеам, мислам дека оставив белег и не го посрамотив татко ми, изјави Илда.

Шабан Шаулиќ почина во 2019 година по трагична сообраќајна несреќа, а неговото семејство тешко ја издржа оваа загуба.

Тој февруари за целото семејство Шаулиќ, животот се смени и времето не ја избриша болката на неговите најблиски.

Иако навршуваат речиси четири години од трагичната сmrt на нејзиниот татко, кралот на народната музика Шабан Шаулиќ, неговата ќерка Илда Шаулиќ по толку долго време реши да открие за јавноста како се чувствува.

Русокосата пејачка признава дека не поминува ден без да погледне во небото и да ја побара нејзината sвезда водилка, тато Шабан.

– Не поминува ден без јас да го споменам во некој контекст и секако е така. Го живеам моментот. Треба да работам на музиката, да снимам песни и тоа е најдобрата врска со татко ми – истакнува таа, за која покојниот пејач велеше дека му е миленичка.

Илда Шаулиќ, истакна дека по загубата на нејзиниот татко целото семесјтво собра сили да продолжи понатаму. Таа често ги посетува местата кои нејзиниот татко ги обожаваше, па така пред извесно време беше во Крчедин, местото кое Шабан го нарекуваше своја оаза на мирот.

Илда признава дека во слободно време го посетува ова место каде што имаат и семејна куќа.

– Јас секогаш пролевам солза. Сè уште неговата енергија е присутна и ја чувствувам кога ќе влезам во куќата во Крчедин затоа што тој поминуваше многу време таму.

Колку почесто одам таму толку повеќе сфаќам зошто тој го сакаше тој мир, вода и енергијата што ги дава реката.

Илда истакна дека нејзината ќерка Ема, но и нејзината братучетка Уна наследиле талент од нејзиниот покоен дедо:

– Ема и Уна неодамна ја имаа својата прва средба со риболов. Мојот сопруг им покажа како да ловат риба и ним им беше многу интересно и забавно. Бог да ги благослови кога ќе пораснат малку, и тие ќе одат во Крчедин да ловат риба.