Гоца Тржан искрено за депресијата и психичките проблеми: Го молам Раша да биде дома со мене, не сакам да излегувам со друштво!

Додека голем дел од нејзините колешки откако станаа ѕвезди се вообразија,  Гоца Тржан откри колку е важна скромноста. Пејачката отворено проговори за депресијата, како и за неуспесите кои ги доживеала во животот.

– Јас сум човек како сите други и имам дилеми и проблеми во животот како и секој човек. Единствената разлика е што за моите проблеми повеќе се зборува затоа што сум јавна личност, но моите проблеми често се повеќе банализирани, токму поради тоа. Инаку, многу сум емотивна и имам моменти кога целосно паѓам, се вовлекувам во кревет и не станувам.

-Често го молам маж ми да биде затворен со мене дома, да не излегуваме и да не бидеме во друштво со други луѓе затоа што тогаш не сум најдобро. Не уживам кога ми се случува тоа, секој има подеми и падови, се поминува и во тие моменти само чекам да помине, објасни пејачката.

Таа никогаш не ја искористи големата слава што ја стекна, но секогаш се трудеше да ги зачува вредностите како што се скромноста и приземноста што ги стекна како мало девојче во нејзиниот семеен дом.

– Се што имам во животот сама заработив и заслужив, ништо не ми беше дадено. Јас сум приземна, би ми било срам некогаш и да поминам преку ред во продавница, верувајте, истакна таа.

Таа е исклучително горда на своето скромно, но среќно детство и никогаш не била една од оние кои се срамат да зборуваат за својот живот пред популарноста.

– Во средно училиште продавав сладолед на Булевар. Заработив многу пари. Но, денес тоа е прекрасен спомен за мене. Сакав да работам дури и на бензинската пумпа, да ги мијам прозорците, откри неодамна Гоца.

Инаку познато е дека Гоца веќе со години се обидува да роди второ дете. Како што неодамна се пишуваше во медиумите наводно пејачката и нејзиниот сопруг Раша Новаковиќ донеле одлука да посвојат и усреќат дете.

„Гоца беше многу тажна кога доби негативен резултат, сепак, не се откажува, таа е голем борец и не сака да бега, а најголемата поддршка ја има од сопругот Раша. Иако по петти пат беше на ин-витро веројатно ќе се обиде повторно. Сепак, разговарале и решиле дека ако наскоро не успеат да се остварат како родители, ќе започнат со процесот на посвојување. Таа сакала да посвои момче“, изјавил извор за Стар.