Најтаинствениот од тројцата браќа: Вака изгледа братот на Новак Ѓоковиќ кој живее во Шпанија (ФОТО)

Семејството на Новак Ѓоковиќ привлекува исто толку внимание како и самиот тој. Познато е дека Новак има двајца браќа – Ѓорѓе и Марко.

Откако се појави со родителите на прес-конференција за судењето на Новак во Австралија, Ѓорѓе се најде во центарот на вниманието на јавноста.

Во последно време често се пишува за неговата врска со водителката Сашка Веселинов.

Од друга страна, Марко Ѓоковиќ не можеше да остане незабележан, како поради неговото звучно презиме и неговиот постар брат Новак, така и поради неговиот атрактивен изглед.

Бидејќи тој не е премногу експониран во јавноста, многумина беа заинтригирани од неговиот приватен живот.

Познато е дека живее во Марбела, Шпанија каде успешно ја гради кариерата на тениската академија. Неговото срце со години ѝ припаѓа на бразилската дизајнерка Летисија Тесари, со која наводно се оженил.

Тој беше поврзуван со тенисерката Каролина Вознијацки, но оваа врска никогаш не беше официјално потврдена.

Марко на својот Инстаграм профил често објавува фотографии со своите браќа на кои се гледа колку се блиски.

Она што е познато е дека сите тројца ја делат страста за истиот спорт.

Марко во една прилика изјави дека постојано бил во сенка на Новак а тоа му пречело.

– Многу страдав затоа што целата своја среќа ја засновав на сонот да постигнам успех на теренот, а тој не дојде. Како тоа да не беше доволно, јас покрај себе имав лице кое го постигна тоа, мојот брат Новак и бев опседнат да го постигнам истото. Сепак, резултатите не дојдоа и секој ден бев се повеќе и повеќе несреќен. Може да се каже дека буквално се изгубив истакна Марко.

– Не можев повеќе да издржам. Бев во многу лоша состојба и не дозволував да го изразам тоа затоа што не сакав другите да мислат дека сум толку слаб. Ова е, за жал, вообичаено. Многу луѓе кои страдаат емоционално го кријат тоа затоа што се срамат. Се обидував да ги сокријам чувствата се додека не пристигнав на теренот. Целата болка и гнев што се наоѓаше на теренот не можеше да се сокрие. Она што сте во животот може да се види на тениското игралиште – изјави Марко Ѓоковиќ и посочи дека сега сето тоа е зад него.