Низок удар за Данијела Мартиновиќ: Хана до последен детал ја испланира свадбата- еден потег многу ќе ја заболи поранешната на Грашо

Хана Хуљиќ и Данијела Мартиновиќ несомнено имаат ист вкус, со оглед на тоа што Петар Грашо и ги освои срцата на двете пејачки.

Меѓутоа, сега убавите Хрватки делат уште една страст, а медиумите не престануваат да шпекулираат дали се работи за случајност или Хана и зададе низок удар на Данијела.

Две и пол децениската романса меѓу Петар Грашо и Данијела Мартиновиќ стана само спомен на нивните верни обожаватели.

Петар Грашо наскоро ќе застане на лудиот камен и пред олтарот ќе и каже Да, на петнаесет години помладата Хана Хуљиќ, со која го чека своето прво дете.

Ќерката на Тончи Хуљиќ веќе почнала да го планира најважниот ден во животот, а веќе избрала и венчаница. Сон на секоја млада жена е венчаницата да и стои одлично и да е токму по нејзин вкус, но Хана Хуљиќ и Данијела Матиновиќ се чини дека првпат имаат слични вкусови, поради што изборот на Хана предизвика бура во регионот.

Имено, како што пишува 24сата.хр, Хана Хуљиќ избрала венчаница од сплитска марка чие заштитно лице е никој друг туку Даниела. Дали е ова само случајност или низок удар, се прашуваат фановите. Сепак, среќната невеста не крие дека е воодушевена од изборот и игнорирајќи ги озборувањата, продолжува да ја планира својата венчавка.

Од друга страна, Даниела реши да продолжи понатаму, па за „Ин магазин“ откри дека многу ја сака слободата:

– Многу необично искуство, учам да летам. „Слобода“ е збор што многу го сакам и кој е повеќедимензионален. Мислам дека најважно е тоа чувство на слобода во нас самите. Се стремев кон својата слобода во себе, што значи да бидам вистински верна на себе во сè.

По веста во медиумите дека Данијела Мартиновиќ и пејачот Петар Грашо раскинале по долгата врска која траеше речиси 25 години, многумина се изненадија што тој набрзо започнал љубовна врска со ќерката на Тончи Хуљиќ, Хана Хуљиќ.

Петар Грашо и Хана Хуљиќ од првиот ден не се криеја од љубопитните погледи, а уметникот брзо ја запозна со најблиските пријатели и соработници. Меѓутоа, откако беше откриено дека се забавуваат, двајцата не сакаа да даваат никакви изјави во медиумите.

Грашо неодамна за хрватските медиуми проговори за својата врска, а ги откри и деталите од врската со Хана.

– Многу сме среќни и задоволни и така треба да биде. Хана е многу добра и ние сме среќни – изјави пејачот во емисијата „Инмагазин“.

– Некако научив дека, бидејќи многу го кријам приватниот живот, вниманието на јавноста е се поголемо. Но, морам да бидам искрен дека бев малку изненаден од креативноста на одредени медиуми во смислувањето различни и разновидни форми на вести. Ние ги живееме нашите животи и важно е луѓето околу нас да бидат задоволни и сите да бидат мирни но и задоволни – заврши Петар Грашо во споменатата емисија.

Инаку свадбата на Грашо и Хана веќе го доби епитетот „свадба на годината“ а наводно ќе се случи во Сплит на 19 февруари.

Познато е и дека кума на младата пејачка ќе биде нејзината колешка и долгогодишна најдобра пријателка Доменика Жувела, а се шпекулира дека придружба на Грашо ќе биде и неговиот долгогодишен близок пријател Дино Раѓа бидејќи Грашо му бил кум на неговата свадба со Викторија.

Идната кума не ја крие радоста што нејзината пријателка се мажи, а потврди дека едвај ја чека свадбата.

– Апсолутно сум подготвена и секако, навистина се радувам за тоа, изјави Доменика.

Таа објасни и како Хана ја избрала за кума.

-Пред некој ден само разговаравме за тоа и сфативме дека никогаш ’официјално’ не сме се договориле, но кога си толку близок со некого, а таа ми е како вистинска сестра, тогаш тоа доаѓа природно и некако се подразбира. Јас и Хана не мора да разговараме, доволно е само да се погледнеме и знам дека во тој момент и двете знаеме што мислиме“, изјави Доменика во интервју за Дневник.хр.

Инаку Хана Хуљиќ, девојката на Петар Грашо е во четвртиот месец од бременоста. Иако Грашо, но и семејството Хуљиќ не објавуваат многу околу среќни вести, јавноста никогаш не била толку заинтересирана за нивниот приватен живот.