ТАЖНАТА СУДБИНА НА ГОЦА БОЖИНОВСКА: И оваа нејзината ГОЛЕМА ЉУБОВ завршила тpагично!

Јавноста е запознаена дека Гоца Божиновска беше во брак со уби-ениот Зоран Шијан со кого има две деца.

Сепак, она што многумина не го знаат е дека нејзината љубов пред Зоран завршила трагично.

– Пред Шијан имав момче кое беше уб-иено, се викаше Мита. Имаше казина во Германија, беше многу богат и моќен. Но, не ја знаев ни другата страна, дека тој работи други работи – изјави таа во една прилика во емисијата Гламур.

– Во животот не ми беше дадена прилика да бидам среќна и тоа да трае. Го запознав на море во Игало, на плажа и бев многу вљубена во него. Бевме заедно една година, но тоа е тажна приказна, не сакам ни да ја паметам – продолжи таа.

Пејачката откри и како изгледал тој момент.

– Дојдовме од Германија за Нова година, бидејќи таму водеше казино, па сакав да го запознаам со родителите и ќерката Јелена. Потоа отидовме во Белград, во хотел, каде што имаше многу наши пријатели и таму ја дочекавме Новата година – изјави Божиновска во споменатата емисија.

– Кога излегувавме, се држевме за раце и еден човек пукаше директно во него, од далечина од пет метри. Го убија до мене. Пред да падне, успеа да ме оттурне, за да не се повредам. Тешко го преживеав тоа. Плачев секој ден, бев толку уништена. Да не беше мојата Злата (Петровиќ), која секогаш беше тука за мене, не знам што ќе се случеше. Ме тешеше – заклучила пејачката.

Инаку неодамна Гоца Божиновска откри и како дошла во Белград.

– Само сакав да напредувам, го сакав своето родно место, мислев дека ќе завршам факултет и дека ќе се вратам во Краљево да живеам, но оваа работа ме фасцинираше, почнав да пеам. Раде Вучковиќ ме одведе во Белград, отидов да пеам во еден ресторан, имаше ибарска магистрала и неколку барови – рече пејачката.

Нема да го заборави денот кога беше убиен Шијан!

Зоран Шијан е убиен на 27 ноември 1999 година околу 1.30 часот по полноќ додека седел зад воланот на својот автомобил и чекал зелено светло на семафорот, а овој случај никогаш не беше решен.

Пејачката еднаш отворено за медиумите проговори за нивната љубов, но и за кобната вечер кога дозна дека Шијан е убиен.

Како што рече, убиството се случило додека таа била на настап во Виена, а страв дополнително ја совладал кога помислила дека нивниот син Мирко во тој момент се уште е со него. Се испостави дека Зоран неколку моменти пред смртта го оставил својот син дома, а покојниот Шабан Шаулиќ и ја соопштил тажната вест на Гоца.

– Таа вечер бев во Виена, Шабан Шаулиќ утредента требаше да работи со мене во Италија. Го завршив првиот блок песни и дојдоа момци со чанти, шанери, имаа машка гардероба. Избрав прекрасен џемпер од кашмир, го купив и го оставив во гардеробата. Требаше да го започнам вториот блок, кога се вратив во соблекувалната ми заѕвони телефонот. Ми се јави Шабан, мислев дека ми се јавува поради планот, што требаше да го направиме за следниот ден. Веднаш слушнав дека гласот му е чуден, ме праша: „Каде си, слушна ли нешто?“. Во истата секунда ми се отсекоа нозете, знаев дека нешто се случило. Ми вели: ‘Смири се, те молам, не е вистина’ – рече Гоца.

-Инаку, кога го завршив тој прв блок песни, Зоран ми се јави и ми рече: „Мирко е со мене, Зорана си отиде дома. Мирко нема да се одвои од мене, му купив торба полна со киндер јајца и нејке да оди. Плаче. Сега ќе си оди дома за некое време, ќе го однесе зетот“. Па ми текна дека детето е со него. Шабан ми рече: „Мислев дека знаеш, можеби не е вистина, слушнав дека пукале во Шијан“. Автомобилот застана пред зградата каде што ме зема првиот пат кога се венчавме, таму живеев. Шабан ми вели „Престани, не паничи, можеби е жив“. Паднав, се онесвестив, обезбедувањето скокна околу мене, ме полија со вода, ме однесоа во хотел – раскажала пејачката.

Гоца никогаш не престана да го оплакува својот покоен сопруг, а се уште го споменува во своите интервјуа.