Јелена Ѓоковиќ за разликите во воспитувањето на првото и второто дете – во ова ќе се пронајде секоја мајка!

Пред да се роди првото дете родителите имаат многу дилеми за тоа што е точно а што погрешно. Откако ќе се роди тоа станува целиот свет за нив.

Слободно може да се каже дека родителите често се под стрес, размислуваат што е добро а што не за нивното дете, како да се храни, дали доволно изеде, како се развива, дали правилно го воспитуваат итн.

Но дали родителите се поопуштени кога станува збор за воспитување на друго дете? Прочитајте што вели Јелена Ѓоковиќ, на таа тема…

Во својата објава на Инстаграм, таа го опиша чувството низ кое поминуваат сите мајки кои имаат две или повеќе деца. Многумина се согласија со неа, а на некои можеби ќе им биде полесно кога ќе сфатат дека не се сами во своите размислувања и чувства.

“Кога првпат станав родител, со многу страв и стрес го следев напредокот и растот на Стефан. Дали е напреден? Мислев дека треба да дадам се од себе за да биде најдобар. Брзо дознав дека се што му треба е нашето внимание и љубов, а кога играме и измислуваме приказни, тие учат за биологија, општество, наука, математика, уметност… и учат навистина брзо! Благодарение на тоа прво искуство, немам такви стравови и сомнежи со Тара, се е многу полесно“. За среќа, Тара ги жнее придобивките сега и таа е една среќна девојка!, напиша таа покрај фотографијата на која се гледаат играчки со кои си игра со своите деца.

Мајката на Ѓоковиќ откри во каков однос е со снаата!

Не е тајна дека светскиот број еден тенисер, Новак Ѓоковиќ сака секој слободен момент да го поминува со своето семејство.

И покрај напорните тренинзи, сепак Ѓоковиќ секогаш наоѓа начин слободното време да го минува со своите деца, а кога тој се натпреварува тие се негова најголема поддршка.

Тој ужива во бракот со Јелена Ѓоковиќ со која има две деца синот Стефан и ќеркичката Тара.
Јелена е директорка на Фондацијата, која се занимава со собирање средства за помагање на сиромашните деца во Србија, уредник на списание и секојдневно ја изразува своите афинитети кон бизнисот.

Новак и Јелена се запознале во 2005 година на тениски турнир во Белград. Се среќавале повремено а три години подоцна се заљубиле. Се роди љубов, а потоа почнаа турнири, жртви и многу разбирање. Ноле патувал на турнири, биле разделени неколку месеци, но љубовта преживеала.

Мајката на Ноле, Дијана не ни можела да замисли дека нејзиниот син ќе се ожени со девојка која ја запознал на 18-годишна возраст, пренесува b92.net.

„Како млад човек кој игра тенис, немаше време да се забавува. Повеќе беше на пат отколку дома. Запозна девојка која беше одбојкарка од Краљево. Тие беа деца. Подоцна ја запозна и Јелена , кога имаа 18 години. Не мислев дека ќе се венчаат. Но тој го поби моето мислење и се ожени со Јелена“, изјави Дијана Ѓоковиќ.

Мајката на Ноле признава дека не поддржува некои работи кои ги прави нејзината снаа но се труди да не се меша во животот на нејзиниот син.

„Нормално и природно е Јелена да преземе некои работи. Не би било добро јас да се мешам. За жал, тие ретко доаѓаат, создадоа свое семејство и своја оаза, а Јелена прави некои работи на свој начин што не го поддржувам“, призна Дијана Ѓоковиќ во интервју за Блиц.

Да потсетиме, Новак и Јелена својата голема љубов ја крунисаа со брак на 10 јули 2014 година. Сега тие се горди родители на синот Стефан и ќерката Тара.