Бебињата родени во ноември се посебни – еве зошто е најдобро да се породите во овој месец!

Ноември е месецот кога сè уште не е многу студено, и иако температурите почнаа да опаѓаат сепак наѕираат и сончевите зраци па се чини дека ова е месецот идеален за породување.

Ова е време кога полека сите се во своите топли домови. Месецот на раѓање на бебето ќе влијае на целиот негов живот, па дури и на некои аспекти од нејзината личност, велат научниците.

Во продолжение неколку интересни факти за бебињата родени во ноември:

Децата родени во овој период од годината обично имаат поголема родилна тежина, но и понатаму во текот на развојот се потешки од децата родени во лето. Истражувањето на Харвард покажува дека децата родени во постудените месеци се повисоки и потешки на седумгодишна возраст.

Веројатно децата родени во ноември ќе бидат добри спортисти. Според истражувањето за атлетските способности на училишните деца, оне кои се родени во ноември имаат најмногу атлетски способности. Децата родени овој месец често имале 10 до 15 проценти подобри резултати од другите врсници во спортските вештини.

Децата родени во пролет и лето генерално си легнуваат подоцна од децата родени во есен и лето. Научниците сугерираат дека бебињата родени во ноември нема да бидат ноќни птици како нивните врсници родени во пролет (ова секако е добра вест за секоја мајка која го чека своето бебе и можеби веќе се чувствува уморна).

Според истражувањето на Универзитетот Оксфорд, бебињата родени во ноември имаат помали шанси да развијат мултиплекс склероза. Исто така, истражувањата покажуваат дека тие имаат помала веројатност да страдаат од проблеми со срцето или рак на белите дробови.

Поголема е веројатноста да бидат леваци (ако се момчиња)

Според студијата на Универзитетот во Виена, бебињата родени во ноември имаат поголема веројатност да бидат леваци. Студијата опфатила 13.000 возрасни лица; 7,5 отсто од жените и 8,8 отсто од мажите биле леваци. Кога ги проверувале датумите на раѓање, истражувачите откриле дека најголемиот број леваци се родени во ноември.

Научниците од Универзитетот во Чикаго докажаа дека децата родени во овој период од годината имаат големи шанси да го доживеат својот стоти роденден.

Бебињата што се раѓаат во есен се уникатни на многу начини?

Според многу студии, бебињата родени на есен се малку повисоки од бебињата родени во пролет или зима. Научниците го објаснуваат овој факт со тоа што мајките на есенските бебиња се повеќе изложени на сонце за време на бременоста, а нивните тела потоа произведуваат повеќе витамин Д кој е одговорен за растот и развојот на коските. Ова е поткрепено со фактот дека есенските бебиња имаат поцврсти коски.

Можеби затоа што нивните мајки минуваа повеќе време на воздух, беа изложени на летно сонце и беа поактивни за време на бременоста отколку бремените жени во други сезони се верува дека овие бебиња живеат подолго. Но според Националната академија на науките, есенските бебиња живеат дури од 160 до 219 дена подолго од другите бебиња.

Финска студија покажа дека бебињата родени во октомври и ноември се под поголем ризик да развијат алергија на храна, особено на јајца и млеко. Поленот што предизвикува развој на еден вид антитела во првиот триместар од бременоста е потврден како „виновник“, а научниците веруваат дека чувствителноста на храна што содржи алергени е резултат на фетална изложеност на полен за време на критичниот период од бременоста.

Британска студија спроведена на 48.000 деца покажа дека најуспешните ученици се деца родени во септември. Ова исто така може да биде поврзано со тоа што децата родени во есен се меѓу постарите во својот клас и се повеќе физички и психички развиени кога одат на училиште, така што се чувствуваат посигурни во себе.

Истражувачите се интересираа во кој месец од годината се раѓаат повеќето деца, и со анализа на податоци од 20 години, во периодот од 1994 до 2014 година, дошле до заклучок во кој месец се раѓаат најмногу деца.Тоа е месец септември, а најчестите родендени се помеѓу 9 и 20 септември. Некои од причините може да бидат дека времето на зачнување на есенските бебиња е за време на празниците, кога повеќето луѓе земаат одмор за да ги поминат во кругот на своите најблиски. Друга причина, според лекарите, може да биде тоа што квалитетот на спермата е поголем во текот на зимските месеци, за разлика од топлите, летни месеци.