Татковците се под големо влијание на ќерките: Посветуваат повеќе внимание на ќерките отколку на синовите!

Најголемо влијание врз детето имаат родителите. Татковците се едни од најважните луѓе во светот на децата. Тато е столб и сила и потпора на семејството.

Но, се покажа дека татковците посветуваат поголемо внимание на своите ќерки, а нивното однесување и мозок се под влијание на полот на нивните деца.

Имено, според резултатите од американското истражување, татковците им посветуваат повеќе внимание на своите ќерки отколку на своите синови, а интересен факт е дека дури и различно зборуваат со своите ќерки и синови. Во истражувањето учествувале 52 татковци на деца на возраст од една до две години.

Истражувачите набљудувале како тие комуницираат со своите деца и направиле МНР скенови на мозокот. Откриле дека полот на детето има директно влијание врз тоа како ќе изгледа односот со тато.

Кога станува збор за поминување време заедно, татковците пеат и танцуваат повеќе со своите ќерки отколку со нивните синови. Од друга страна, тие се повеќе вклучени со своите синови во малку погруби игри како превртување и борење. Интересно е и тоа што татковците инстинктивно имаат различен одговор на емоциите на ќерките и синовите. Имено, истражувањето покажа дека татковците повеќе реагираат на среќните лица на своите ќерки и на неутралните изрази на лицето на нивните синови.

Разговорот е важен дел од родителството и се чини дека татковците имаат поинаков пристап во разговорот со своите деца.

Научниците тврдат дека татковците на синови го користат јазикот на постигнување, а со ќерките повеќе зборуваат за телото и чувствата и користат аналитички јазик. Кога станува збор за вниманието што го посветуваат на децата, истражувањата покажаа дека татковците се повеќе ангажирани и реагираат повеќе на ќерките отколку на синовите. Исто така, тие посветуваат повеќе внимание на своите ќерки и нивните чувства отколку на нивните синови, пренесува Bright Side.

Животни лекции кои ќерката може да ги научи само од нејзиниот татко!

Присуството на таткото и мајката е особено важно за правилно растење на детето. Меѓутоа, најголем пример за ќерките, претставува нивниот татко. Татковската фигура игра голема улога во развојот на детето, а ова се некои работи кои ќерката може да ги научи за себе и за својот живот додека расте со таткото.

Да научи да сака и истото да го добива за возврат

Природно е секој родител да го сака најдоброто за своето дете, но исто така детето со текот на времето мора да научи да се бори за себе. Со правилното одгледување и љубовта која му се пружи на детето, тоа ќе научи да ги вредува вистинските вредности, но и да биде свесно дека љубовта подразбира давање и примање.

Да биде силна во текот на животот

Животот може да носи многу проблеми и предизвици, но таткото може да ѝ даде до знаење на ќерката дека секогаш може да се потпре на него. На жените им е природно потребна поддршка во животот, некој на кој ќе може да сметаат кога ќе имаат проблеми.

Преку односот со таткото, ќерката учи да верува во себе и во своите способности и да има на ум дека секој проблем може да се реши и дека таа е доволно јака да се соочи со истото.

Дека треба да поседува самодисциплина

Таткото игра голема улога во изградувањето на самоконтрола и самодисциплина кај својата ќерка. Татковската самодисциплина на секој ќе му биде најдобар пример како треба да се однесува ќерката и кои навики треба да ги освои.

Меѓутоа, треба татковците да се потрудат да изградат рамнотежа помеѓу љубовта и строгоста, за детето да не подлегне целосно на правилата.