МАЈКА РОДИ 10 БЕБИЊА И ВЛЕЗЕ ВО ГИНИСОВАТА КНИГА ЗА РЕКОРДИ: Ова се случува прв пат во историјата!

37-годишната Госијаме Тамара Ситол од Јужна Африка стана вирален хит откако роди дури 10 бебиња по пат на царски рез.

Мајката и нејзиниот сопруг биле целосно шокирани откако на ултразвукот докторот забележал осум бебиња, а по породувањето изненадувањето било уште поголемо бидејќи тие всушност добиле 10 бебиња!

Додека раѓањето на повеќе од три бебиња обично е резултат на третман на вештачко оплодување, Ситол вели дека нејзината бременост е сосема природна, децата зачнале на природен начин без никакви лекови или третмани.

Таа на 07.06 беше на предвремено породување во седмиот месец од бременоста.

“Шокирана сум од бременоста. На почетокот беше тешко. Бев болна. Тешко ми беше. Сè уште ми е тешко, но сега се навикнав. Не ја чувствувам болката повеќе, но сепак малку се плашам и го молам Бог да ми помогне да успеам да ги извадам сите мои деца здрави,  и јас и моите деца да излеземе од болницата закрепнати. Би била задоволна од тоа “.

„Имаме седум момчиња и три девојчиња, среќен сум, емотивен, не можам многу да зборувам“, рече гордиот татко за BBC.

Oваа горда мајка и претходно роди близначиња кои сега имаат шест години.

Таа се чувствува добро по породувањето со царски рез.

Раѓањето следуваше по 29 недела од бременоста, а бебињата се родија во Преторија.
Наскоро треба да стане сопственичка на нов рекорд, бидејќи претходната рекордерка Халима Сиса од Мали роди девет бебиња во мај.