Луѓето се капат во злато и уживаат во луксуз: Балканска невеста во Пакистан- Јована носеше три венчаници, тешки 10 килограми а цената ќе ве остави без текст!

Блогерката Јована Квржиќ од Србија, го запозна регионот со животот во Пакистан, за што малку знаевме…

Таа е позната блогерка за патувања која тргна на пат околу светот во 2015 година и, како што вели, не планира да застане наскоро а фотографиите и сите свои импресии ги споделува на нејзиниот блог „Патувај со Јована“ кој го започна со желба да собере жени слични на себе кои покрај патувањето, сакаат и фотографија, мода, пишување и сакаат истражување нови пејзажи.

Јована патуваше низ повеќе од 65 земји и пливаше во 3 океани. Покрај патувањата, таа е голем љубител на фотографијата.

– Прв пат се качив во авион во 2013 година, неколку месеци пред мојот 23-ти роденден, кога отидов во Истанбул како студент на Фармацевтскиот факултет, на размена на студенти а патував интензивно од 2015 година. Таа година беше пресвртница во мојот живот затоа што преку програмата „Работа и патување“ отидов во Америка, успеав да заштедам повеќе пари и се впуштив во животна авантура која сè уште трае – изјави Јована за странски портал.

Таа започна да патува интензивно пред пет години, а досега има посетено скоро 70 земји, запознала разни луѓе, култури, историски и други знаменитости и што е најважно, стекна искуства од непроценливо значење.

Претежно патува со свој аранжман. Ретко преку туристички агенции.

Јована тешко може да ги издвои своето омилено патување и дестинација, но сигурно сигурно долго ќе се сеќава на едно. Земјата што и остави посебен впечаток на Јована е Пакистан, каде таа помина 28 дена. Таа има многу убави фотографии од тоа патување, но и спомени.

Една од оние што ќе се памети цел живот е запознавање на пакистанската култура. Посебно искуство е секако свадбената церемонија.

– Не знаев ништо за Пакистан пред да заминам, го избрав за дестинација, бидејќи тоа беше една од ретките земји во кои ни беше дозволено да патуваме. Иако се обидувам да немам предрасуди, нема да ве лажам дека ги немав. Како да сум заборавила што е медиумска пропаганда. Па, поголемиот дел од светот смета дека има војна во Србија и дека сме терористи. Тоа е мојата главна реченица сега кога некој ќе ми го спомене Пакистан во негативен контекст, без да го посети. Престојот во Пакистан беше сè освен опасно. Тој беше емотивен и среќен … Понекогаш тажен.
Пакистан беше одличен учител за животот. Тој ме научи дека е можно да се нема ништо (според наши стандарди) и да се има сè. Бидејќи сè уште има луѓе кои ќе ви дадат многу, без да очекуваат ништо за возврат. Сите сме различни, и толку многу исти. Ги имаме истите желби и стравови … Јас стекнав пријатели доживотно во оваа земја. Друга причина зошто сум многу благодарна на оваа земја – истакнува Квржиќ во описот на своето патување на социјалната мрежа Инстаграм.

Јована на својот блог опиша тридневно фотографирање кога се најде во улога на пакистанска невеста.

Пакистанска невеста, ден 1.

– Од моментот кога дојдов во Пакистан и започнав да се запознавам со културата, знаев дека свадбите се посебно искуство. Не верував дека ќе се најдам во улога на пакистанска невеста а потајно навистина сакав.

Додека тргнував да запознаам луѓе, и во живо и преку Инстаграм, почнав да добивам понуди од фотографи и мојата желба се оствари. Тоа е една од причините зошто го продолжувам престојот, следните 3 дена ќе ме земат да фотографирам затоа што нивната венчавка трае 3 дена.

Кога започнав да договарам фотографии со салони, дизајнери, златари, мислев дека ќе можеме да завршиме сè во еден ден. Едноставно згрешев, мислам дека подготовката за еден ден може да трае 3.

– Првиот ден на радост се вика Мехнди и значи хена, боја што се користи за сликање на раце и нозе, бидејќи така започнува подготовката. Овој ден се нарекува и „ден на младоста“. Ако околината е поконзервативна, невестата ќе ја помине само со други девојки, а во поголемите градови е забава за сите гости. Невестата тогаш носи малку полабав фустан, честопати со голи раце. Првиот ден е најсреќен. Потребни беа околу 4 часа за да се добие овој изглед. Обрасците на рацете се обично подебели, но ги замолив да бидат малку намалени. За прв пат во животот ставив леќи и тие беа сиви. Најлошиот половина час во мојот живот, сè додека не се навикнав.

Цело време додека се подготвував, во салонот се одвиваше забава, сите пееја и танцуваа. Како свадбата да е веќе започната. Цената на подготовките за 3 дена се движи од 500 евра па нагоре. Фустаните не се изнајмуваат, туку се купуваат. Сите 3 што ќе ги носам се помеѓу 4 – 5000 евра и секој е рачно изработен. Тежината на фустанот започнува од 10 кг. Со придружните додатоци до 15. За време на подготовките, ја повикав мајка ми да види како изгледам. Во еден момент, солзите ми дојдоа во очите. Тие не беа заради леќите. Ме погодија сериозни емоции. Сопственикот на салонот каде што се подготвував ми пријде, ме фати за рака и ми го избриша лицето. Таа рече, денес ќе бидам твојата мајка. Нејзиниот сопруг ме пречека со комплет нараквици … Пакистан е народ –  напиша на Јована во описот на првата фотографија на нејзиниот блог.

Пакистанска невеста, ден 2.

– Најгламурозниот ден на пакистанската тридневна венчавка е вториот, со името Барат. Невестата тогаш најмногу избира црвено златно фустанче, кое се нарекува „Лехнга“. Ова е исто така најемотивниот ден, затоа што тогаш семејството на невестата го прима младоженецот во куќата и невестата официјално ја остава со него.

Младоженецот доаѓа да ја земе или во кочија или јава коњ, а неговото пристигнување е придружено со звуци на тапани. Сестрата на невестата го пречекува семејството на младоженецот со чаша млеко, за кое треба да дадат пари и кога ќе дадат доволно им е дозволено да влезат. Понекогаш во млекото се ставаат ливчиња од роза и златен прстен, а потоа сопружниците се натпреваруваат први да го пронајдат.

Она што е важно е дека „Никах“ мора да се случи пред Барат, односно чинот на стапување во брак. Ова може да се направи дури и порано, но најмногу се случува токму на овој ден бидејќи без него невестата не може да ја напушти куќата. За мене денес беше избрана црвена Хена и совршено се вклопи во фустанот.

– Верувам дека кога ќе ја видите првата фотографија, ќе помислите дека сум во луксузен хотел, но всушност сите фотографии се направени во салон за убавина. Речиси сите козметички салони заработуваат најмногу пари на свадбени подготовки, па се натпреваруваат кој ќе има подобри простории за фотографирање. Оној во кој бев денес е еден од најдобрите 3 во Исламабад. Се вика „Порцелан“ и можам да ви кажам дека одговара на името, денес бев како порцеланска кукла. Со цел сопственикот да ве шминка во овој салон, потребно е да одвоите над 300е.

Денес ме шминкаше заменикот, чија цена е „само“ 250 евра. Изгледот на овој ден е надополнет со специфичен накит за коса, кој не лепи како оној од вчера, но повторно имав потешкотии да го отстранам поради бројот на шноли. Додадени се и нараквици кои заборавивме да ги земеме од дизајнерот за накит, па затоа во последен момент го купивме целиот комплет на блискиот пазар за 2 евра. Единствено нешто од сите парчиња што ги гледате на мене кое не чини стотици и илјадници евра. Повеќе уживав во денешната фотографија затоа што не морав да позирам за десет фотографии истовремено, со 3 лесно се снајдов  – сликовито опиша Квржиќ.

Пакистанска невеста, ден 3.

На третиот и последниот ден од пакистанската венчавка, невестата се облекува „порелаксирано“ и обично избира пастелни бои во комбинација со злато. Требаше да претпоставам дека порелаксирана варијанта за пакистанска невеста значи само малку помалку руменило. Овој ден се вика Валима и сега семејството на младоженецот е домаќин.

Младоженецот избира помодерна облека, како што се стандардни западни костуми. Се одржува прослава за јавно објавување дека бракот е официјален. Го прославив „мојот“ Велим во куќата на сопственикот на салонот, кој беше одговорен за мојот изглед првиот ден. Тоа утро, не можев ни да замислам дека нема да бидам невеста само еден ден, туку дека ќе имам можност да доживеам подготовки три дена. Тие ме прифатија како родено дете и ме прифатија во куќата како да се познававме цел живот.

– Отвореноста кон запознавање луѓе ме натера да доживеам нешто сосема ново во мојата патувачка кариера и да уживам барем во кратка магична улога. Благодарение на нив, ја доживеав и другата страна на Пакистан, каде владее луксуз и каде луѓето буквално се капат во злато. И повторно, тие се на земјата …

Се надевам дека уживавте во оваа серија на фотографии исто како и јас, и дека и покрај тоа што не сте виделе вистинска венчавка, успеав ви покажам со зборови и фотографии како навистина изгледа.

Јас веќе знам дека мојот венчален фустан нема да биде чисто бел како што сакав порано, завршува Јована.

Во продолжение уште неколку фотографии од егзотичните дестинации на кои патувала оваа млада блогерка…