Ќерката на кралицата, принцезата Ана, сама го носеше својот багаж на аеродромот во САД

Принцезата Ана забележана на ЏФК како го носи сопствениот багаж

Принцезата Ана се појави на аеродромот ЏФК во Њу Јорк за да фати комерцијален лет по тивката посета на градот оваа недела.

72 годишната принцеза беше видена како ги носи своите две лични торби додека шеташе низ аеродромот денес, откако заврши нејзината посета  на градот Њу Јорк.

Ќерката на кралицата изврши четири импресивни кралски ангажмани на својата турнеја во Њу Јорк Сити вчера и таа всушност е првиот висок кралски службеник кој ги посети САД откако принцот Хари и Меган Маркл се преселија во Калифорнија во 2020 година.

Нејзиното патување во САД е прво патување кое е направено од постар член на кралското семејство, откако Хари и Меган го напуштија семејството и својата служба како членови на кралското семејство и се преселија во Санта Барбара, Калифорнија, кратко пред почетокот на пандемијата.

На аеродромот принцезата беше видена облечена во црна комбинација на едноставни црни панталони и црно палто, а веројатно поради студеното време во Њу Јорк носеше црна поло ролка.

Оваа комбинација беше освежена со црно-бела марама која ја носеше околу вратот, како и прекрасен пар на бисерни обетки.

Принцезата Ана докажа зошто во кралското семејство ја нарекуваат дека е највредна. Изненадувачки се појави на градот на источниот брег за да посети неколку различни локации и да додели неколку награди.

Во моментот на пристигнувањето на принцезата на ЏФК во вторникот, таа била пречекана од Генералниот Конзул за Њу Јорк, госпоѓа Ема Вејд Смит, и подоцна истиот ден Ана беше почесен гостин на гала вечерата на Унијата за англиски јазик во клубот Космополитен.

Пред да присуствува на оваа вечера, принцезата, која е почесен претседавач на Кампањата за осветлување на идните генерации, патуваше со траект на Стејтен Ајленд за да го посети Националиот музеј на светилникот.

Кралската принцеза потоа присуствуваше во резиденцијата на Генералниот Конзул за Њу Јорк за да ги подели почестите, пред да се упати на гала вечерата, која беше одржана од страна на Американската фондација Гордонстоун во клубот за рекет и тенис на Парк авенија, на која беше во улога на покровител на кампањата за Гордонстоун.

Ова е прва посета на член на кралското семејство откако Војводата и Војводката од Сасекс го имаа своето скандалозно интервју во шоуто на Опра Винфри, во март 2021 година каде наведоа дека има постар член во кралското семејство кој е расист, кој не сакаат да го именуваат.

Војводката од Сасекс во интервјуто објасни дека кога била бремена со својот син Арчи, имало дискусии од страна на постар член на семејството кој пројавил загриженост дека детето кое ќе се роди можеби ќе има темна боја на кожата.

Објасни дека не се работи ниту за кралицата, ниту за Војводата од Единбург.

Кралските обожаватели беа загрижени по ова интервју, дека можеби принцезата Ана ќе доживее ладен прием во САД, но беа пријатно изненадени кога принцезата беше топло пречекана од Њујоркчани.

Додека Хари и Меган уживаат голема популарност и успех во САД, кралските обожаватели се сомневаа дека постарите членови на кралското семејството нема да поминат добро при нивните посети во САД.

Принцезата Ана им стави крај на сите овие сомнежи.

Извор: Дејли Меил