ЈОВАНА ПАЈИЌ ИСКРЕНО ЗА РАЗВОДОТ: Децата знаат се, тешко е да ги излажеш

Директно од Копаоник, по настапот на Дино Мерлин, пејачката Јована Пајиќ, реши да си ја отвори душата за сите актуелни случувања во животот.

– Ова беше убава причина да дојдеме, утре почнува нормалниот живот, училиште, се… Децата не се тука, претходно беа овде со мене – вели Јована.

Таа се осврна и на нејзините ќерки:

– Училиште како училиште, рутината е важна, не смееме да скршнеме од тоа. Презадоволни сме од оценките, влијаеше короната, беа истрауматизирани, но се е во ред – вели пејачката.

Јована неодамна беше фотографирана на настапот на нејзиниот поранешен сопруг Сале Тропико со децата, а во оваа прилика открива во каква врска се по разводот.

– Од актерите на таа приказна излегува сè што лошо излегува, а таму најмногу трпат децата. Мора да бидеме во добри односи поради децата, бидејќи секој родител треба да ги стави интересите на децата на прво место. Не знам зошто на луѓето им е чудно, цивилизирано се разделивме, секако дека ќе одам на концертот на нивниот татко со моите деца – додава Пајиќ.

– Децата знаат сè, не можете да ги лажете,  мислите дека можете да ги лажете, а тие всушност знаат сè. Тие се задоволни и тоа ми е најважно. Мислев дека ќе им треба повеќе време да го надминат тоа, но тие беа брзи. Кога мама и тато се среќни, и децата среќни – заврши Јована Пајиќ во емисијата „Премиера-викенд специјал“.

Инаку се уште не се знае точната причина за нивната разделба. Иако многу се шпекулираше, парот реши пред јавноста да каже онолку колку што сметаат дека треба а тоа е дека се разделиле мирно и дека се во добри односи.

Познато е дека подолг период се обидувале да го спасат бракот посетувајќи терапија за да ја подигнат врската на повисоко ниво, а во една прилика Јована истакна дека тоа им е потребно.

– Сале ме поддржува во се, не е љубоморен, од овие детски болести боледуваме одамна. Никогаш не го проверувам, ниту тој ме проверува мене, имаме здрава врска. На сите им треба психотерапија, вклучително и мене и Сале – изјави таа во 2018 година.

Таа потоа откри зошто побарале помош од експерт.

– Немаме никакви конкретни проблеми, отидов од љубопитност бидејќи мислев дека држам се под контрола и наидов на некои работи кои беа затворени во црна кутија и навистина пораснав како личност благодарение на тие терапии. Јас и Сале со помош на професионалец полесно го решаваме проблемот со напорното темпо на живот, неостварувањето на некои работи, односот со пријателите, семејството. Тоа се работи за ментална хигиена – објасни тогаш Јована, која очигледно не сакалa да открие јавно дека има кризи во бракот со Сале.

Јована и Сале се заколнаа на вечна љубов во 2011 година, а нивната свадба беше прикажана и во една емисија.