Јелена Ѓоковиќ остро реагираше на „неверството на Ноле”: Од мене правите дворски шут!

Јелена и Новак Ѓоковиќ важат за еден од најхармоничните парови во јавноста.

Но се чини дека овој пат сопругата на Ноле не можеше да премолчи и остро ги искоментра последните написи во медиумите.

Откако во медиумите се појави веста дека актерката Марија Каран го „завела“ Новак Ѓоковиќ и при тоа тој ја изневерил својата сопруга на концертот на Дино Мерлин, се огласи и Јелена Ѓоковиќ.

Иако таа генерално не реагира на слични написи во медиумите, сите беа изненадени од жестоката реакција на Јелена.

Имено, кога го виде текстот во српскиот таблоид, објави фотографија од споменатиот текст на Инстаграм, со порака:

„Ако не ја негираш лагата, бидејќи немаш одговор на таа глупост и едноставно не се занимаваш со тоа, за новинарите тоа претставува зелено светло да продолжат да пишуваат за тебе по весниците и да прават дворски шут од тебе. По 15 години пишување за аферите со секоја девојка од нашето заедничко друштво, сега толку добро нè знаат како двојка што дури знаат и дека сум љубоморна без зборови и дела (бидејќи тоа наводно не се гледа, но тие знаат или имаат веродостојни извори). А секако, кога не ја демантираш глупоста, таа автоматски станува мамка за идни објави за сега веќе бившите љубови… Бидејќи така се почитува ликот и делото на еден млад успешен спортист од нашата земја. Не е интересно тоа што е со мене сите овие години. Многу повеќе кликови носат аферите“, напишала Јелена Ѓоковиќ на својот инстаграм-профил.

„Живееме во време кога човек навистина мора да се запраша што чита и кому му верува. Сета таа мрачна енергија што влегува во нас додека читаме вести исполнети со невистини и измами поради контрола, страв и со самото тоа и профит, не може никого да го инспирира да прави добри дела. Знаеме дека столбот на секое здраво општество е семејството, па зар е можно да ги користиме медиумите како средство да го оцрниме и разнишаме?! Дали тоа е рецепт за успех или за пропаст на едно општество? Вие проценете“, заклучи Јелена.

Инаку самиот Новак признава дека најголема поддршка освен неговите родители му е и неговата сопруга Јелена, но и неговите деца Стефан и Тара…

Ѓоковиќ кој е најдобриот тенисер во светот на неколку наврати јавно истакна дека најголемата сила ја наоѓа во моментите што ги минува со своето семејство.

Додека медиумите постојано откриваат детали за животот на Новак и Јелена, тие двајцата решија нивните деца да ги кријат од очите на јавноста, колку што е можно повеќе.

Синот Стефан неколку пати го имаме видено во јавноста како го бодри својот татко во публиката.

Сепак, Тара која е родена во 2017 година, никогаш не сме ја виделе во јавноста, а Јелена секогаш се обидува да го покрие лицето кога објавува фотографии или видеа на социјалните мрежи.

Во една прилика Новак откри дека името на неговата миленичка е по планината Тара, накоја најчесто ужива да замине со своето семејство кога е во родната Србија.

– Колку убавина и богатство нуди нашата Србија. Тара е дива планина која ги крие своите тајни се додека не стигнете до неа и и покажете големо воодушевување. Езерата Перуњац и Заовин, историската река Дрина, која тече моќно ги маѓепсува сите што ја гледаат. Благодарни сме за заедничкото, семејно време и се радуваме на понатамошно истражување на бисерите на нашата прекрасна земја – напиша Новак додавајќи дека убавината на оваа планина е една од причините зошто нивната ќерка го носи ова име.
Нашата ќерка беше делумно го доби своето име поради ова место и убавината на дивата природа.