ЅИРНЕТЕ ВО ДВОРОТ КАДЕ СТОЈА УЖИВА ЗА СИТЕ ПАРИ: Погледнете го луксузниот имот – фонтана, цвеќиња и палми- убавина која го одзема здивот

Популарната пејачка Стоја Новаковиќ минатиот викенд го прослави својот 50-ти роденден.

Бидејќи не стигна на сите да им се заблагодари за честитките, реши на сите да им одговори со нова објава на Инстаграм.

Покрај тоа што им се обрати на сите кои и го честитаа роденденот, пејачката се пофали и со својот двор.

На сите што ми го честитаа роденденот, еден голем бакнеж од мене“, напиша Стоја покрај фотографијата.

Познато е дека пејачката има куќа во Перлез која ја навела како локација на споменатата социјална мрежа. Таму направила вистински рај, што може да се види од приложеното.

Покрај честитките во коментарите под фотографијата, пејачката доби и пофалби за изгледот на дворот:
„Ова е рај, рај за телото и душата“, „Како Стоја, дворот е уште поголема институција“, „Убаво е овде во Перлез“, се само дел од коментарите.

Во животот на Стоја не цветале рози

Иако многумина ќе помислат дека животот и подарил се, и буквално и цветаат рози, сепак не било секогаш така.

Во едно интервју пејачката си ја отвори душата и го раскажа нејзиното тешко минато.
Имено таа е родена во село, а се омажи малолетна, кога имала 16 години, а на 17 го роди својот син Милан.

Како што изјави семејството на нејзиниот сопруг не ја сакало, а нејзините родители и биле лути поради тоа што се омажила премногу млада.

Иако се чинело дека љубовта може да победи се, и таа со својот сопруг живеела среќно и заљубено, сепак по само две години се случила голема пресвртница во животот на Стоја, и таа го загубила својот сопруг.

Како што откри во една прилика останала на улица сама со својот син.

„Се омажив многу млада, на 16-годишна возраст, со човек кој неизмерно го сакав, како што тој ме сакаше мене. Јас го родив мојот син Милан на седумнаесет години и наскоро започнав да настапувам со бенд, а мојот сопруг ми даваше најголема поддршка. Таа идила траеше до мојата 19 година, кога се случи таа несреќа, тогаш сè тргна наопаку “, рече таа еднаш за Ало.

Стоја раскажа и како се случило тоа таа да остане без покрив над глава, па да побара помош од својата пријателка.

„Истиот ден кога беше погребан мојот сопруг, неговото семејство ме исфрли на улица мене и моето дете помало од три години! Јас дури и не стигнав да си ги земам работите, излегов без ништо. Моите родители ми беа премногу лути, и кога решив да се омажам ми ставија до знаење дека повеќе нема да се вратам кај нив. До доцна во ноќта, шетав низ селото и врескав и плачев гласно! Следните неколку месеци, јас и мојот син бевме кај моја пријателка.

За Стоја може да се каже дека е тврдоглава, силна и одлучна жена а тоа и самата го потврдува. Таа постепено откако останала на улица, почнала да добива понуди со својот бенд, и полека да застане на свои нозе, за денес да биде една од најголемите ѕвезди.

„Некогаш немав што да јадам, го делев компирот со комшивката. Знаев дека сум пониска класа, но сакав да станам име и презиме, и таквата моја самодоверба ме туркаше напред“, изјави Стоја во една пригода.

Таа успеа да го однесе синот на вистинскиот пат и денес тој работи во психијатриска болница и има две деца.