ШЕСТ ГОДИНИ БЕЗ ТЕБЕ, БЕЗ ТВОИТЕ ЗБОРОВИ: „Пиле мое ако имаш едно подели’’ – синот на ЕСМА РЕЏЕПОВА емотивно се присети на мајка си

Сите ја препознаваа како кралица на ромската музика. Два пати  беше номинирана за Нобелова награда, а целиот свој живот го посвети на семејството и фамилијата.        Фото:Фејсбук/Симеон Атанасов

Хуманистка, активист за човекови права, уметник и жена борец.

Фото:Фејсбук/Симеон Атанасов

Да беше жива Есма денес ќе имаше  79 години.

Есма Реџепова е родена во Скопје на 08 август 1943 година, во семејство со шест деца.

Фото:Фејсбук/Симеон Атанасов

На само деветгодишна возраст заедно  со својот брат била член на фолклорно друштво каде научила да пее и игра.

Фото:Фејсбук/Симеон Атанасов

На само тринаесет години, во 1956, поканета е да пее на школски натпревар за талент организиран од Радио Скопје. Овој натпревар е клучен за нејзиниот живот, затоа што победува. Интересно е и тоа што на истиот натпревар бил и Стево Теодосиевски, познат хармоникаш и шеф на оркестарот. Тој побарал од родителите на Есма да им се придружи и да настапува на турнејата.

Фото:Фејсбук/Симеон Атанасов

Полека со тек на време од нивното големо пријателство се роди и голема љубов, па Реџепова ќе се омажи за Стево, кој од неа беше постар 22 години.

Фото:Фејсбук/Симеон Атанасов

Во 1976 година Есма во Гандинагар, Индија, беше прогласена за кралица на ромската музика.

Фото:Фејсбук/Симеон Атанасов

Реџепова двапати беше номинирана за Нобелова награда за мир, а и покрај тоа што никогаш не родила свои деца, посвоила и одгледала 48. Сите тие растеле и се школувале во ансамблот „Теодосиевски“, а таа важеше за мајка со најмногу деца во Македонија која зад себе остави повеќе од 100 внуци и правнуци.

Фото:Фејсбук/Симеон Атанасов

По нејзината смрт  беше отворен и тестамент во кој јасно стои дека целиот свој имот го остава на Македонија.

Фото:Фејсбук/Симеон Атанасов

Нејзината љубов кон Македонија беше голема.

Секаде во светот, по сите интервјуа нескромно пејачката го признаваше тоа.

Фото:Фејсбук/Симеон Атанасов

Музејот и Домот на хуманоста и уметноста „Стево и Есма Теодосиевски“ во Скопје има 750 квадратни метри и двор околу 1.300 квадрати.

Фото:Фејсбук/Симеон Атанасов

Симеон Атанасов, еден од посвоените синови на Есма и Стево со емотивна објава  се потсети на големината и споменот на неговата мајка.

Фото:Фејсбук/Симеон Атанасов

,,Шест години без тебе, без твооите зборови: мило, пиле, ако имаш две едно подели…

Како што вели твојата песна “Горе во рајот” , јас знам дека си таму, затоа што тоа е вистинското место за мајка како тебе.

Почивај во мир мајко моја’’, напиша Симеон на Фејсбук

Фото:Фејсбук/Симеон Атанасов

Кралицата на ромската музика почина на 11 декември, 2016-тата година, по кратко боледување.

Фото:Фејсбук/Симеон Атанасов

Позади себе остави плодна 55-годишна кариера и вечен спомен на еден голем и хуман човек!

Фото:Фејсбук/Симеон Атанасов

Реџепова објави повеќе од 600 песни снимени на грамофонски плочи и касети.

Фото:Фејсбук/Симеон Атанасов

Одржа повеќе од 50 000 концерти.

Таа пееше на македонски, на ромски, турски, грчки јазик…

Фото:Фејсбук/Симеон Атанасов

Нека и’ е вечен споменот на големата Есма Реџепова!