“Ураганките” се распаѓаат? : Ксенија не настапува со нив- ова е причината за нивната разделба!

Пејачката на групата „Ураган“, Ксенија Кнежевиќ по вторпат се зарази од коронавирусот, па сега Сања Вучиќ и Ивана Николиќ настапуваат без неа.

Имено Ксенија откри дека овој пат симптомите се полоши од првиот, а обожавателите се надеваат на нејзино брзо закрепнување.

– Втор пат имам корона. Симптомите се полоши од минатиот пат. Пред неколку дена го изгубив вкусот и мирисот, а сега кашлам, уморна сум, се онесвестив и ме болат белите дробови. Се ќе биде во ред, брзо ќе закрепнам – вели Ксенија.

Ивана и Сања пред неколку дена се вратија од настап во Германија. Кога се појавија на белградскиот аеродром без Ксенија, многумина мислеа дека „ураганките“ се распаѓаат.

Сепак, како што се дознава, групата останува во истиот состав, а Ксенија деновиве е на боледување.

Само што слушнаа дека нивната колешка е позитивна на корона Сања и Ивана се тестираа. Бидејќи тестовите покажале дека се здрави, двете решиле да не го откажуваат веќе закажаниот настап во дијаспората.

Сами ќе пеат на уште неколку настапи кои претходно ги договориле, а веднаш штом закрепне ќе им се придружи и Ксенија.

Ксенија ќе се мажи?

Ксенија Кнежевиќ неодамна откри и дека се смирила со своето поранешно момче Никола со кој е во врска шест години и почнале да живеат заедно во куќата што тој и ја подарил.

Ксенија неодамна во емисијата „Амиџи шоу“ откри дека повторно е во љубовна врска со Никола со кој имала краткотраен прекин.

За тоа време, како што наголемо се пишуваше во медиумите, била во кратка врска со младиот актер Павле Менсур.

– Вие ќе прочитате се. Сфативме дека тоа е тоа и сега живееме заедно, јас и мојот долгогодишен дечко. Јас и мојот Никола се уште сме заедно, нема ништо интересно тука. Сега е шеста година како сме заедно. Тој направи куќа за нас, по професија е архитект, а и многу добро готви – изјави пејачката во споменатата емисија.

– Момчето со кого се забавувам го познавам цел живот. Прво се дружевме, па потоа се роди љубовта меѓу нас. Пет години сме заедно и мислам дека тој ќе биде за кого ќе се омажам, рече неодамна Ксенија.
Не планирам наскоро брак ни деца, затоа што сме млади. И двајцата сме фокусирани на кариерата, но кога ќе дојде време за тоа, ќе се омажам, нема да бегам од тоа, збоуваше Ксенија за медиумите.
Врската ја прекинале мирно, а пејачката изјавила дека некое време сака да биде сама и да се посвети на себе си и на кариерата.

Пред неколку дена таа сподели фотографија со нејзиното момче на која може да се забележи колку се среќни и заљубени.