Татко во инвалидска количка оди на прошетка со своето бебе – видео што ќе ве pacплаче!

Група од 10 средношколци во Америка направија хуман гест смислувајќи како да му помогнат на еден татко, кој има проблем со центарот за рамнотежа, да го однесе своето бебе на прошетка.

Имено, тие направиле конструкција за инвалидска количка на која може да се постави автомобилско седиште за бебето, така што овој татко може да го шета своето бебе без помош на сопругата.

Пред три години, Џереми Кинг (37) од Мериленд беше опериран затоа што имал тумор на мозокот, што резултирало со физички проблеми и нарушување на центарот за рамнотежа. Кога тој и неговата сопруга Челси (32) дознале дека очекуваат бебе во јуни 2020 година, двајцата биле загрижени како ќе го носат детето на прошетка.

„Иако може да оди, тој не е толку стабилен да носи дете“, изјави Челси Кинг за „Добро утро Америка“.

– Тогаш разговаравме за тоа што треба да сториме за да го зачуваме бебето безбедно за време на прошетки и други активности, но немаше многу решенија, бидејќи едноставно нема доволно ресурси за родителите со попреченост – додаде таа.

Челси се обратила за помош кај Мет Зиглер, наставник во училиштето каде што работи Кинг како наставник по драма и советник. Таа го праша Зиглер дали може да им помогне да смислат нешто што може да се закачи на инвалидската количка на Џереми.

Зиглер им предава на средношколците курс наречен „Создавање социјални добра“, на кој учениците дизајнираат производи што ќе имаат позитивно социјално влијание.

Зиглер за ГМА изјави дека им дал задача на студентите да видат што би можеле да смислат.

– На почетокот на курсот, се обидовме да го разбереме проблемот, па разговаравме со семејството – рече Зиглер.

– Разговаравме и со луѓе од локалната противпожарна служба кои тренираат да постават автомобилско седиште за бебиња со цел да се обидеме подобро да разбереме како функционираат овие работи – додаде тој.

Според еден од студентите, Џејкоб Злотитски (18), сè започнало тогаш кога  секој од студентите ги презентирал своите идеи за додаток за инвалидска количка, а потоа направиле 3Д-модел за да видат како изгледа сето тоа.

– Сите бевме фокусирани на успешно создавање на најдобриот производ што може да го направиме во времето што го имавме – рече тој.

"I never thought I would be able to do something like this with our son."

A group of 10 high school students made it possible for a father with impaired mobility to walk with his newborn son. https://t.co/abkIOzgf33 pic.twitter.com/NRZre7k7V0

— ABC News (@ABC) July 20, 2021