Сузана Манчиќ ја изненади јавноста со оваа изјава: Јас сум на ивица на банкрот- прозборе искрено за финансиите!

Најпознатата лото девојка Сузана Манчиќ вчера ја изненади јавноста со изјавата дека нема да го слави Денот на вљубените бидејќи претходниот период потрошила многу пари на подароци на сопругот Сименон.

Водителката и актерка Сузана Манчиќ неодамна се врати од Атина, каде живее нејзиниот сопруг Симеон Окомокос. Вчера истакна дека нема да го слави Денот на вљубените бидејќи не купила подарок за нејзиниот сакан.

„Нема да се вратам во Атина поради Денот на вљубените, ќе бидам сама. Подарокот не го подготвив, затоа што пред десет дена му беше роденден на Симеон, тогаш му беше именден, сега и подарок за празникот, навистина не можам, пред банкрот сум“, вели Сузана за Блиц.

„Прекрасно си поминав, често сум во Атина и таму одмарам. Прво, таму немам никакви обврски, носам убава книга, се среќавам со роднини и пријатели, па таму ми е божествено“, изјави водителката. која со децении е самохрана мајка на Теодора и Наталија Куниќ кои ги доби во првиот брак.

„Со години сум самохрана мајка, што не е страшно со оглед на мојата финансиска состојба бидејќи отсекогаш сум била успешна и сум имала доволно пари за удобен живот. Но, прашањето за самохрани мајки треба да им се постави на обичните жени кои се без покрив над глава, кои немаат работа, но и помош од таткото на децата. Страшно е, а мене ми беше како настинка“, вели Сузана, која смета дека разводот не треба да се решава така лесно.

„Љубовта доаѓа и си оди, луѓето лошо проценуваат, но не треба така лесно да се откажувате, особено кога се децата во прашање. Во секој случај, има момент кога треба да донесете одлука, која би била најдобра за вас.

Инаку неодамна Сузана за прв пат прозборе за распадот на првиот брак. Пред да му го предаде срцето на Симеон, Сузана Манчиќ беше во брак со Небојша, член на некогаш многу популарниот бенд „Sedmorica mladih“, а по долго пријателство помеѓу него и водителката, се роди љубов. Иако поранешната „лото девојка“ за многумина беше неостварена желба и многумина ја молеа, таа му рече „да“ на Небојша во 1989 година. Двојката се разведе по осум години брак, но ја добија најголемата радост во животот – две ќерки.

Сузана, која во тоа време беше на врвот на својата кариера, го промени својот живот за да се посвети на своето семејство, и кога Небојша започна да работи приватно, таа го следеше низ целиот свет. Меѓутоа, со одредена доза иронија и хумор, водителката се сеќава како изгледала нејзината веридба.

– Обично велам: Таква девојка, таква убавица, а го запроси својот сопруг на кој му беше трета сопруга – рече во една прилика Сузана.

По ненадејниот развод, Сузана се врати со своите ќерки во родниот град и по долг период на тишина, откри со какви проблеми наидуваше за време на бракот и какви последици имаше. Наводно, Небојша ја омаловажувал, велејќи дека таа повеќе не е убава и млада, иако е на прагот од четириесеттите години, па водителката страдала од депресија.

Сузана сега за прв пат проговори за деталите кои доведоа до колапс на љубовта.

Според неа, разводот следел кога се заладиле односите помеѓу неа и Небојша.

– Со сопругот едноставно престанавме да разговараме – истакна Сузана при гостувањето во емисијата „Јутро“ на ТВ Прва и додала:

– Меѓу нас владееше тишина и далечината почна да се развива.

Разводот на Сузана Манчиќ и Небојша Куниќ во 1997 година не беше крај на нивната врска. Сузана не крие дека и понатаму е во добри односи со бившиот сопруг поради ќерките.

– Разговарам со мојот поранешен сопруг Небојша, без разлика што одамна се разведовме. Никогаш не се скаравме, разводот ни се случи во мир и мислам дека така треба да биде. Ќерките Наталија и Теодора редовно се слушаат со нивниот татко, никогаш не сум влијаела на кој било начин да им се наруши врската. Не го спомнувам често во јавноста затоа што има свој живот. Тој е дел од мојот живот кој ниту можам ниту сакам да го избришам – беше искрена таа.