Сопружниците Ивана и Иван во први борбени редови во Ковид амбуланта- Велат ова е најчест симптом кај заболените!

Ивана и Иван Ѓуриќ, се сопружници кои несебично даваат помош на заболените од коронавирус, и од почетокот на пандемијата тие се во првите борбени редови, како медицински лица, кои својата помош ја даваат и надвор од болниците.

На социјалните мрежи постојано даваат апели и совети до граѓаните а деновиве се особено активни во клиниката „Рудар“, каде што секој ден прегледуваат пациенти со симптоми на вирусот корона.

Во интервју за српски  „Блиц“ парот открива дека вирусот корона е опасен поради подмолниот развој на пневмонија, кој честопати е без симптоми или има многу мали симптоми.

&

– Реално, секоја пневмонија е опасна, но подмолноста на корона вирусот е она што го прави особено опасен.  Овој вирус Ковид-19 е особено опасен ако пациентот има друга хронична болест. Што се однесува до последиците, како и колку пати некој може да биде заразен со вирусот, за тоа ќе можеме да зборуваме за неколку години. Обично им кажуваме на пациентите дека нема причина за паника, се лекува корона инфекција, но постојат одредени правила и процедури до кои тие мора да се придржуваат за да се опорават што е можно побрзо, но и да ги заштитат своите најблиски – вели д-р Ивана Ѓуриќ.

Заморот како симптом доминира

Нејзиниот сопруг, д-р Иван Ѓуриќ, нагласува дека дури и кај пациенти кои немаат симптоми поврзани со органите за дишење, пневмонијата често се забележува на рентгенската снимка а потоа со PCR-тестот се потврдува присуството на вирусот.

 

– Ова несовпаѓање помеѓу клиничките наоди и дијагностичките откритија преку рентгенските-зраци и лаборатории само укажува на тоа дека и лекарите и пациентите треба да бидат внимателни. Пациентите знаат дека состојбата се влошува по петтиот ден (обично шестиот или седмиот) и покрај терапијата, додека кај повеќето други респираторни инфекции вториот и третиот ден се обично најлоши, проследени со подобрување доколку терапијата е соодветна. Во овој трет бран моментално доминира заморот како проблем на кој се жалат повеќето пациенти кои доаѓаат во клиниката за „Ковид“. Инаку, симптомите поврзани со респираторните органи, како што се треска, кашлица, воспалено грло, проблеми со дишењето, болка во градите воопшто не мора да постојат. Голем број на пациенти воопшто немаат треска или некои имаат температура најмногу  до 37, 5. Исто така, гадењето и дијарејата можат да бидат доминантни симптоми, додека пациентите кои го губат чувството за вкус и мирис често немаат други симптоми – вели д-р Иван Ѓуриќ.
;

 

Тој посочува дека во неговиот крај имало ширење на вирусот токму поради тоа што повеќето од луѓето кои имале поблаги симптоми кои укажуваат на корона, оделе на работа. Иван посочуваа дека уште од почетокот на пандемијата, луѓето најмногу поставувале прашања во врска со тестовите и антителата, и дека тестовите сепак претставуваат голема дилема, а особено нагласуваа дека е важно да се изолира лицето и да повика лекар при првите најмали симптоми.

 

 

– Луѓето честопати прашуваат каде да се јават ако имаат треска или некои знаци на респираторна инфекција. Забележавме дека постои голем страв од пријавување во клиниката Ковид. Пациентите гледаат на тоа како еден вид казна, веднаш замислуваат како ќе бидат изолирани, затворени, но и обележани. Никој не би сакал да се покаже со прст кон него и да му се каже „Да, тоа е тој, го видовме пред Ковид амбулантата, тој мора да има корона …“ . Стравот од посета на клиниката е оправдан, но реално Ковид амбулантата не е казнена установа, луѓето што работат таму се на таа позиција за да помогнат. Нема ништо полошо од тоа да живеете во неизвесност и да размислувате дали имате корона или не. Најдобро е да се пријавите на клиниката веднаш штом ќе започнат симптомите. Таму, ќе бидете соодветно прегледани од здравствените работници, ќе се направи рентген на белите дробови, лабораторија и тест за ковид. После тоа,  ќе бидете смирени и ќе знаете на што сте – советува доктор Иван.

 

Губење на сетило за мирис и вкус

Пациентите кои се позитивни на Ковид-19, освен сознанието дека се заболени од овој вирус, беа најмногу изненадени од целосно губење на сетилото за мирис и вкус. За да се осигурат дека навистина го немаат тоа чувство, тие експериментирале на различни начини, а лекарите потенцираат дека отсуството на чувство за мирис и вкус е еден од главните докази дека короната навистина постои.

 

Лекарите предупредуваат дека е сезона на вирусни инфекции, а сега кога повеќе седиме во затворени простории, веројатноста за контакт со вирусот е многу поголема.

– Сега постои голем потенцијал за инфекција со корона. За да се спречи неговото ширење, треба да се пристапи посериозно од другите вируси. Бидејќи станува збор за вирусна инфекција во воздухот, важно е постојано да ги проветрувате просториите, особено ако сте на работа. Не е лошо да го држите прозорецот цело време отворен и да дозволите проток на воздух, што ќе ја разреди концентрацијата на вирусот. Носењето маски во затворено и одржувањето на хигиената се исто така важни. За жал, треба да се избегнуваат поголеми собири, прослави и дружења. Иако тоа ни се чини дека е најтешко, бидејќи ние сме народ кој сака да се дружи,но сепак има време за прослави. Иако е тешко да се избегне, во овие моменти сепак е потребно – вели д-р Иван Ѓуриќ.

Маските штитат од коронавирусот

Едно од најчесто поставуваните прашање, е дали маските штитат од коронавирусот, и дали воопшто штитат на отворено.

Д-р Ивана и Иван Ѓуриќ нагласуваат дека маските навистина штитат, а тоа го потврдува и нивното лично искуство.

 

 

– Како општи лекари, постојано се среќаваме со пациенти заболени со корона. Се случува пациентите да доаѓаат кај нас без никакви симптоми, а по ден-два да се пријават на клиниката „Ковид“ затоа што заболеле од респираторна инфекција. Од таа причина, постојано носиме маски и засега, фала му на Бога, не сме заболени – вели д-р Ивана Ѓуриќ.

Извор: Blic.Rs