Се породи бабата која го носеше своето внуче – На 51 година ја роди малата Бријар!

Дека мајката ќе направи се за своето чедо, докажа и Џули Лавинг која стана хит во светот откако пред неколку дена на 51 година го роди сопственото внуче.

 

 

Имено таа  го прифати предлогот да биде сурогат мајка на сопствената ќерка Бриана Локвуд која не можела да остане бремена речиси четири години.

 

 

Иако има 29 години, Бриана веќе со години заедно со сојот сопруг Арон Локвуд (28) се обидуваат да имаат дете. Тие се свршија во 2016 година, а заедно се уште од средно училиште, но по цела година обидување таа да остане бремена по природен пат, обидот бил безуспешен.

 

 

Парот по неуспешниот обид остварил средба со докторот Брајан Каплан на Клиниката за плодност во Илиноис каде започнале процес за ин-витро оплоду вање, но по голем број обиди и два спонтани абo pтycи тие полека почнаа да ја губат надежта дека ќе станат родители.

 

Сплетот на околностите довел до тоа Бриана и нејзиниот сопруг да дојдат на идеја за сурогат мајчинство.

Кога нејзиниот дедо се разболел, тие решиле да побрзаат со намерата да станат родители, бидејќи тој сакал да го запознае својот внук пред да замине од овој свет.

 

 

Мајката на Бриана, 51 годишната Џули Лавинг понудила на својата ќерка таа да го роди сопственото внуче, која на почетокот рекла дека тоа е лудо и незамисливо, но потоа прифатила.

 

„Како мајка би направиле се’ за да му помогнете на своето дете. Кога ќе видите дека навистина ја боли и дека тагува, а знаете дека можете да помогнете, тоа и ќе го направите“, раскажа Џули за медиумите.

Инаку среќната вест за раѓањето на малиот ангел, на кој му го дадоа името Бријар Џулиет Локвуд, Бриана Локвуд ја објави на Инстаграм.

“Мајка ми многу добро го издржа тешкото породување. Жртвата која таа ја даде за да го донесе ова мало парче рај на светот ме остави без зборови. Прекрасно е да ја држам ќерка ми во раце. Чувствувам дека ќе направам сè за ова бебе, исто како што направи мајка ми за мене“, напиша, во својата трогателна објава Бриана Локвуд.

“Начинот на кој мајка ми ме сака и нејзината несебичност се чисти и искрени. Мајка ми и бебето се одлични”, додаде 28-годишната девојка која претрпела разни операции и медицински помагала за оплодување.