Се огласи Тончи Хуљиќ, новопечениот дедо ги откри деталите: Хана беше многу присебна и храбра

Шест дена пред очекуваниот термин за породување, во недела на 17 јули околу 18 часот, во сплитското породилиште се роди девојче на кое гордите родители Хана Хуљиќ Грашо и Петар Грашо му дадоа посебно име – Алба.

За раѓањето на првата внука зборуваше и новопечениот дедо Тончи Хуљиќ.

Како што беше откриено во неделата, малата Алба Грашо се родила со царски рез, а во моментот на породувањето била тешка 3100 грама и долга 50 сантиметри.

Во моментот кога Хана Хуљиќ- Грашо заврши во сплитската болница на породување, нејзиниот сопруг, пејачот Петар Грашо, слета на загрепскиот аеродром од Македонија, каде имаше концерт, по што побрза во Сплит да ја види ќерката за прв пат.

Кога емоциите малку стивнаа и се наздрави за раѓањето на Алба Грашо, Тончи Хуљиќ даде изјава за Вечерњи лист во која откри дека доаѓањето на малата Алба сепак малку ги изненадило, бидејќи според планираниот датум , не ја очекуваа до шест часот.

– Се помина во најдобар ред, Хана беше многу присебна и храбра, уште еднаш покажа дека жените добро се справуваат со себе во вакви ситуации, додека ние мажите сме малку изгубени, изјави Хуљиќ за Вечерњи лист и додаде дека Грашо и Хана претходно се договориле за името на детето.

Така било одлучено ако се роди девојче тоа да биде Алба, што на латински значи бело или светло, додека на италијански и шпански значи зора и изгрејсонце, а таткото на Грашо е Зоран, така што има врска. Да беше момче, ќе се викаше Тончи по дедото на Грашо, но и по самиот Тончи Хуљиќ.

Како што откри, се подготвува голема забава за сите пријатели и најблиски да го прослават раѓањето на бебето истовремено.

– Ние не сме семејство кое сака големи прослави, но ова е нешто што навистина ни го посакува срцето.

Новопечениот татко, Петар Грашо никогаш не сакал да го изнесува својот приватен живот во јавноста, а неодамна призна дека оваа медиумска популарност не му се допаѓа откако се дозна дека е во врска со Хана.

-Јас и Хана си го живееме животот пристојно, приватните детали не ги споделуваме со јавноста и тоа веројатно уште повеќе ги интригира медиумите кои бараат сензации. Нам ни е смешно како всушност станавме медиумска мета, а не кренавме прст за тоа. Најмногу не насмеа веста дека станавме хрватски „Меган и Хари“ – изјави Грашо.

– Секогаш ми беше важно да не ги замарам луѓето со неважни ситници и музиката да биде единственото нешто што ги интересира поврзано со мене, а и Хана е слична личност. И покрај тоа, ние сме во сосема спротивни ситуации. Медиумите се тука да пишуваат, ние сме тука да живееме и тоа е круг кој постојано се врти – изјави претходно Петар Грашо за хрватските медиуми.

Неодамна Тончи Хулиќ откри како семејството ги поминува деновите откако се дозна за врската на Петар Грашо и Хана Хуљиќ и бременоста која дојде многу брзо по официјализирање на нивната врска.

-Еве ја врската која заврши со брз брак и дете меѓу Петар и ќерка ми, секој ден бевме бомбардирани, но не зборувавме за тоа, живееме нормално, притисок е да се чита за тоа секој ден, таа не излегуваше затоа што и беше смешно што сите трчаа по неа, изјави тој за RTL Exkluziv.