РАБОТИ КОИ НЕ СМЕЕТЕ ДА ГИ ПРАВИТЕ НА БАЛКОН ВО ГЕРМАНИЈА: Ќе се изненадите кога ќе ги видите правилата

Сончевите денови веќе дојдоа па многумина ги користат за да уживаат во сончевите зраци па го користат својот балкон како замена за дневната соба: таму ручаат, прават скара и создаваат своја мала зелена оаза.

Но, ако сте во Германија, внимавајте: некои работи кои изгледаат нормални се забранети да ги правите на балконот, пишува Нови.ба.

Скара на балкон

Во принцип, дозволена е забава и правење скара на балконот. Сепак, скарата може да биде забранета со договорот за изнајмување или куќните правила. Во најлош случај, секој што нема да ја почитува забраната се соочува со раскинување на договорот. Дополнително, често има клаузула во закупот со која се забранува печење на јаглен. Чадот може да им пречи на соседите.

Во принцип, кога печете на скара, дури и во вашата градина, треба да бидете внимателни кога станува збор за бучавата и мирисите. Ако чад навлезе во дневната соба и во спалната соба на вашиот сосед, вие правите прекршок .

Тенда на балконот

Доколку сакате да поставите тенда на балконот, а треба да го направите дупки на надворешниот ѕид или балконот горе, тогаш правите структурална промена. Сепак, ова е забрането освен ако не сте се договориле со сопственикот.

Алтернативно, сепак, станарите можат да закачат тенди кои се едноставно поставени и прицврстени помеѓу подот и таванот на балконот.

Сушење алишта на балконот

Сушењето алишта на балконот заштедува енергија, а алиштата повторно мирисаат убаво и свежо по сушењето на сонце. Во принцип, на станарите не треба да им се забранува да сушат алишта (т.е. маици, долна облека, чорапи и сл.) на балконот или во станот, пишува магазинот Феникс.

Меѓутоа, кога сушите постелнина, вреди да се погледне куќниот ред – може да има посебни правила за ова.

Погрижете се алиштата да не излегуваат над работ на балконот и да не ги вознемируваат другите жители.

Ако сакате да прикачите сушара на фасадата на куќата, треба претходно да разговарате за оваа структурна промена со сопственикот.

Пушење на балконот

Пушењето на балкон е дозволено само доколку тоа не ги вознемирува соседите. Доколку се чувствуваат загрозени од чад со судска одлука може да се ограничи пушењето на одреден временски период.

Покрај тоа, договорот за изнајмување може да наведе индивидуална забрана за пушење во форма на клаузула која исто така важи и за балконот.

Внимавајте на саксиите

Ако сакате да го исполните вашиот сон за мала зелена оаза на балконот, мора да следите неколку правила:

Погрижете се саксиите со цвеќиња да бидат добро фиксирани и да не можат да паднат од балконот, дури и при ветер и бура.

Кога наводнувате цвеќиња, треба да внимавате и на соседите и да внимавате да не капе премногу вода од нив.

Исто така, треба да избегнувате растенија кои се шират прекумерно: висечки растенија, на пример, бидејќи тие можат да го променат изгледот на фасадата.