ПРОСЛАВА ВО ДОМОТ НА ГОЦА И РАША! Пејачката сподели ДОБРА ВЕСТ – ЧЕСТИТКИ пристигнуваат од сите страни!

Пејачката Гоца Тржан и тапанарот Раша Новаковиќ денеска имаат важна причина за славење.

Имено, денес се навршуваат седум години откако си ветија вечна љубов еден на друг, а овој важен датум го одбележаа со торта во форма на срце.

– Мој сакан сопруг, среќна седма годишнина. Од се срце ти честитам што ме трпеше сите овие години (вкупно 11). Те сакам – порача Гоца преку социјалните мрежи.

Набргу потоа и Раша ја сподели истата објава на својот Инстаграм профил, а следбениците им посакаа среќа и да останат заедно „барем пет пати подолго“.

Да потсетиме, Тржан и Новаковиќ својата емотивна врска ја започнаа во 2011 година, а се запознаа кога тој дојде на аудиција да биде член на нејзиниот пратечки бенд.

За малку ќе добиеше отказ  кога почна да се додворува на пејачката, но како одминуваше времето Гоца беше се помалку имуна на неговото додворување.

Гоца во една прилика откри и каков необичен подарок побарала од својот сопруг Раша за 10 години брак.

– Би сакала да го вкрстам гласот со Дејв Грол, тој е брутален фраер и ја сакам неговата музика. Слушам и уметничка музика, затоа дојдов на концертот на Бочели. Го задолжив сопругот да ми обезбеди билети за концертот на Јонас Кауфман, кој моментално е еден од најбараните оперски пејачи, за 10 години брак, му реков дека мора да го направи како знае и умее – изјави пејачката.

Се борат за потомство!

Како што е веќе познато во јавноста Гоца Тржан и нејзиниот избраник Радомир Новаковиќ со години се борат за потомство, а бидејќи оваа желба се покажа тешко остварлива, често тема е разводот на Гоца и Раша.

Разликата во години е и причина за овие шпекулации, но Гоца и Раша успешно се спротивставуваат на искушенијата и повторно докажуваат дека нивната љубов е посилна од се.

Успехот на ин витро оплодување им е примарна цел и не се откажуваат од големата борба.

– Не ми е гајле за другите луѓе и предрасудите. Луѓето кои ме познаваат мене и Раша знаат колку сме компактни и колку добро функционираме. Животот е премногу краток за да го живеам во страв од иднината… Сакам да го живеам мојот живот во потполност, бидејќи нема иднина, нема минато, постои само овој момент што го живееме сега – изјави Гоца во една прилика и додаде:

– Ги живеам најубавите години од мојот живот, дури и да мислев во тој момент кога се сретнавме јас и Раша и да речев: „Еден ден ќе ја видиш таа разлика“, немаше да ги имам овие најубави 11 години во мојот живот. Дефинитивно ќе ја видите разликата, не ни кријам… Се шегуваме со тоа. Во суштина, ние неизмерно се сакаме и почитуваме, нашата врска и брак не се засноваат само на физичка привлечност. Еден ден ако сака да биде со помлада и поубава жена, не можам и нема да го задржам, бесмислено е, бидејќи и јас на 60 ќе му бидам пиленце на некој 80 годишен чичко, рече Гоца.