Поповиќ планирал да фрли 5 милиони евра на овој руиниран хотел кој наликува на хорор филм- еве што го поврзува со ова место!

Саша Поповиќ долго време посакувал да стане сопственик на стариот хотел и на целата парцела на која се наоѓа езерото во селото Трешња, на Авала, но на крајот се откажал од оваа идеја.

Како што пренесува српски Курир наводно тој планирал да изгради луксузен комплекс за светски и домашен џет-сет, а тоа го потврдија и жителите на оваа населба.

Инаку хотелот кој наводно сакал да го купи Поповиќ се наоѓа на границата на општините Сопот и Вождовац а порано бил исклучително популарен и посетен хотел, а Поповиќ, како што се шпекулира, планирал да инвестира дури 5.000.000 евра.

Ситуацијата во која сега се наоѓа хотелот потсетува на хорор филмови – некогашното луксузно издание денес изгоре, обложено е со графити, напуштено и без прозорци и обезбедување и е речиси пред распаѓање.

Жителите на оваа мала населба за споменатиот медиум изјавија дека биле среќни кога ја слушнале веста дека Саша Поповиќ ќе го купи хотелот но дека откупот не се случил бидејќи целиот комплекс наводно е во сопственост и заштитен од државата.

– Искрено ни е жал што Сале не го купи и реновира овој објект, парцелата и езеро. Тоа би било фантастично и оваа област сигурно повторно би станала центар на туризмот. Овој комплекс порано беше омилено излетничко место за белграѓани, а во хотелот доаѓаа сите истакнати личности во стара Југославија – од политичари и влијателни луѓе до естрада. Ова место особено го сакаа пилотите и стјуардесите на тогашниот „Јат“.

-Поради местоположбата, прељубниците сакаа да ги носат љубовниците овде, хотелот беше најпознат по тие работи. Пееле и големите ѕвезди од тоа време. Саша доаѓаше на ручеци со Брена – изјави еден од жителите на оваа населба, кој се претстави како Драган.

Меѓутоа, како што велат, проблемот настанал поради бирократски проблеми.

– Саша беше воодушевен. Доаѓаше неколку пати, се шпекулираше дека сакал да инвестира 5.000.000 евра во комплексот. Сите побрзаа да ги купат блиските парцели и куќи, бидејќи тогаш луѓето се плашеа дека цените многу ќе скокнат доколку Саша го купи комплексот. Со години бараме инвеститор кој ќе го препознае економскиот интерес на оваа локација и ќе инвестира во реновирање на сето ова. Но, подоцна слушнавме дека се откажал поради многу компликации, бидејќи сега сè е во сопственост и заштитено од државата. Дали е тоа вистина, не знам. Сите се надеваме дека ќе се предомисли и дека домашниот и светскиот џет сет ќе ни дојде овде, истакнал Драган.

На овие написи реагираше и самиот Поповиќ кој негираше дека планира да купува недвижен имот.

– Никогаш не сум бил таму, не сум ни сигурен дека ја знам точната локација. Исто така, не планирам да купувам никаков недвижен имот – изјави Поповиќ.

За потсетување, Саша Поповиќ реши да се пензионира, но само кога се во прашање музичката продукција „Гранд“, кој го продаде со намера да почне да ужива во своите пензионерски денови.

Сепак, неговите пензионерски денови не траеја долго, па се откри дека тој влегол во бизнисот со колешката Вики Миљковиќ и нејзиниот сопруг Драган Ташковиќ-Ташко.

– Сите се надеваа дека Сале конечно ќе се посвети на себе и семејството бидејќи работел неколку децении. Но, се чини дека Сузана залудно се израдувала дека следната година ќе го обиколи светот со сопругот при рака и ќе го има само за себе. Да, таа го чекаше толку време но изгледа дека тој не може без работа. Човекот е навикнат да работи, да се кара, да заработува – вели извор за „Свет“ и додава:

-Моментално гради зграда на Бежанијска коса, не сум сигурен колку точно станови ќе има, а во целата приказна се вклучени и Вики и нејзината компанија која се занимава со уредување на станови. Неодамна добил и дозвола за продажба на недвижен имот. Не би започнале нешто доколку не знаат дека ќе им се исплати. Како што се вели, ова се стари лисја. Особено што цената на квадрат таму е над две илјади евра, а може да оди и уште нагоре – тврди изворот и додава дека Брена не се занимава со оваа работа.