Ова момче покажа дека аутизмот не може да биде пречка за остварување на целите- Виктор е неверојатен сликар- на две години го покажал својот талент!

Младиот Виктор Беванда кој моментално живее во Флорида, уште кога имал само две години покажа необичен талент за цртање.

Тој е роден во Србија, а кога имал три години, му била дијагностицирана тешка форма на аутизам.

Но и покрај тоа тој е неверојатен уметник, а својот талент го покажа уште кога имаше само две годинки.

Неговата мајка Андреа вели дека првата средба со конечната дијагноза била тешка.

„И денес знам да се растажам и да плачам. Но, јас исто така знам колку Виктор е посебен и колку сме среќни што тој е наше дете. Тој нè научи на вистинските вредности во животот и покрај него станавме подобри луѓе “- вели Андреа.

Кога имал само пет години Виктор ги нацртал сите планети на Сончевиот систем.

Тој црташе, сликаше и сечеше со ножици цел ден. Сега има 12 години и веќе сериозно црта. Стилот, односно насоката во цртежот, беше наметнат од него. Најдов негови слики на Интернет и тој ги пренесе тие слики на хартија на свој начин. Понекогаш ни се чини дека тој има фотографска меморија затоа што може да ја копира сликата што ја гледа потполно идентично, до последниот детал “. – вели Андреа.

 

 

Виктор не зборува, иако знае да изговара зборови и на српски и на англиски јазик. Тој едноставно не зборува. Тој не знае како да се грижи за себе, некој треба постојано да му кажува што да прави (да се облече, да се бања, да јаде, да стане, да легне, да игра…). Тој нема да стане од кревет наутро додека не му речат дека може да стане.

Пред две години со семејството се пресели во Флорида.

 

Андреа вели дека, иако таа и нејзиниот сопруг веќе се во зрели години, одлуката да започнат нов живот на другата страна на светот е донесена токму поради децата. Виктор немал соодветна поддршка во Србија.

 

„Имав постојана работа во Србија, а мојот сопруг работеше во странство. Имавме солиден приход, но не бевме задоволни од поддршката што ја доби Виктор. Повеќе не работам, но му се посветувам нему. Тој во моментов следи онлајн настава и јас поголемиот дел од денот го поминувам помагајќи му. Тука е многу добро прифатен. Тој оди во редовно училиште, но во оддел за деца со попреченост “. – вели Андреа.

На прашањето што Виктор најмногу сака да црта, неговата мајка вели дека не се знае затоа што не покажува чувства. Сепак, според начинот и брзината со која ги црта, таа верува дека омилена тема му се животните. Обично користи восочни бои.

Сите свои уметнички дела Виктор ги објавува на својот Инстаграм профил, а заинтересираните воедно преку оваа социјална мрежа може и да стапат во контакт доколку сакаат да купат некоја од неговите неверојатни слики.

Во продолжение погледнете дел од галеријата слики на Виктор…

 

 

 

Извор: zelenaucionica.com