МОМЧЕТО РОДЕНО СО 2 ПРОЦЕНТИ ОД МОЗОКОТ: Лекарите му предвидоа црна прогноза, но тој се избори и денес е МЕДИЦИНСКО ЧУДО!

Ноа Вол е момчето за кое пред девет години се пишуваше во сите светски медиуми.

Имено тој е роден со само 2 проценти од мозокот но сепак денес тој ги надмина сите очекувања и е среќно деветгодишно момче.

„Не само што е жив, туку ги надмина сите очекувања и од докторот и од нас.

Така велат денес родителите на Ноа Вол по чие раѓање докторите не предвидувале дека ќе преживее.

– Кога се породив, лекарите ми рекоа дека на Ноа ќе му биде тешко да преживее, и дека сигурно ќе биде во вегетативна состојба – вели неговата мајка Мишел (49). Таа и нејзиниот сопруг Роб (55), велат тие, паднале во целосен очај кога лекарите им ја соопштиле мрачната прогноза.

Сепак, Ноа ги надмина сите тие мрачни прогнози.Во првите три години од неговиот живот, 80% од неговиот мозок порасна, и доведе до општо чудење на лекарите кои го нарекоа медицинско чудо.

Ова особено се должи на извонредниот напор на родителите кои беа решени нивниот син да преживее и еден ден да оди. Тие ги посетија најголемите светски експерти и го однесоа на терапии, а клучниот момент беше кога слушнаа за неврофизијатарот Кен Вера од Австралија.

– Мајката на Ноа ми се јави кога прочита текст за мене на портал. Стануваше збор за Мартин Хиберт, жртвата на бомбашкиот напад во Манчестер, кој исто така беше со мене на терапија. Иако мојот институт не се занимава со деца, решив да пробам – вели овој експерт.

Значи, со години напор, терапија и тешка работа од бебе за кое се вели дека никогаш не зборувало, шетало или јадело самостојно, Ноа сега е деветгодишно момче кое напредува од ден на ден.