Македонскиот фолкер сподели многу убави вести- Спасен Силјановски не може да ја тргне насмевката, честитки добива од сите страни

Спасен Силјановски е еден од најбараните македонски фолк пејачи кој ги освои срцата на публиката со својот посебен начин на изведба и специфичниот глас а особено со неговата љубов кон татковината.

Често пати е отсутен од дома но кога ќе се врати во својата татковина го чека неговото семејство а тој често пати знае да сподели фотографии со нив и да покаже колку му значат заедничките моменти.

Пред осум години Спасен ја круниса својата љубов со неговата сопруга во кичевскиот манастир Пресвета Богородица Причеста, и денес имаат две деца.

Тие се вистински пример како треба да изгледа едно семејство кое секој слободен момент го користи да го помине заедно.

Спасен секогаш со гордост зборува за неговото семејство, за кое вели дека му е најголема поддршка и мотив во животот.

„Имам семејство кое ја негува македонската традиција и музика. Често пати знаеме да седнеме да се расположиме, да запееме по некоја песна“, изјави тој во една прилика.

За својата сопруга секогаш има само пофални зборови и често на социјалните мрежи ја покажува и романтичната страна.

„Честопати сам се прашувам дали ќе можам да им ја обезбедам најдобрата иднина?
Искрено не знам…Никој на овој свет не е совршен, па ниту јас…

Но, знам дека ги сакам повеќе од сѐ друго на овој свет…На крајот љубовта е поважна од ѐ нели…“, напиша Спасен во една прилика за своите најмили.

Но она што сега е ново кај него е новиот дом.

Имено на социјалната мрежа Фејсбук колегата на Спасен, Благоја Грујовски сподели фотографија на која се прегрнати и воедно му го честиташе новиот дом на Водно.

-Со среќа новиот дом на Спасен на Водно! напиша Баже во описот на фотографијата а честитки доби и од многу колеги и пријатели кои му посакаа здравје и благосостојба.

Да потсетиме, Спасен потекнува од с.Пополжани Кичевско, за кое вели дека е најубавото местенце во Македонија. На 4 години веќе чисто и целосно ја пеел познатата песна „Крушево абер пристигна“, а на својот шести роденден ја добива првата хармоника, која и до денес ја чува како сувенир.

Тој е многу приврзан и за својата мајка, Јагода, која најчесто ги пишува текстовите за неговите песни.