МАКЕДОНКА го нашминка Меси за најлајкуваната фотографија со КРИСТИЈАНО РОНАЛДО, ПОГЛЕДНЕТЕ ЗА КОГО СТАНУВА ЗБОР

Пред два дена, светот го обиколи фотографијата на која Лионел Меси и Кристијано Роналдо играат шах на куфер од брендот „Louis Vuitton“, а истата стана една од најпопуларните објави во историјата на Инстаграм.

Фото/Принтскрин

Но, малкумина знаат дека Македонката Симона Аврамова беше задолжена за шминката на аргентинската фудбалска легенда Меси, за потребите на оваа фотосесија.

Фото:Инстаграм/ Симона Аврамова

Оваа талентирана девојка речиси 7 години живее во Барселона и работи како професионална шминкерка и фризерка на голем број светски познати личности, за потребите на повеќе реклами, модни едиторијали и филмови.

Фото:Инстаграм/ Симона Аврамова

Ексклузивно за „Слободен печат“, таа раскажала како дошло до оваа соработка и како се чувствува во врска со тоа што е дел од приказната која моментално е главна тема во јавноста.

Фото:Инстаграм/ Симона Аврамова

„Иако сум му професионален шминкер на Лео Меси веќе подолго време, кога продукцијата ми кажа дека ќе имаме фотосесија со Ени Лејбовиц како фотограф и нејзината сестра Барбара Лејбовиц како видеографер за ‘Луи Витон’, вклучувајќи го и Кристијано Роналдо, јас си реков: ‘Ова ќе биде фотосесија на годината!’. Многу бев возбудена за можноста да бидам дел од тимот – сите беа толку прекрасни и професионални. Пред сѐ, сите бевме многу среќни и возбудени што создаваме една таква историска фотографија“, вели Аврамова за Слободен печат.

Фото:Инстаграм/ Симона Аврамова

Фото:Инстаграм/ Симона Аврамова