Луна Џогани се исповеда: Кармата ме стигна кога требаше, платив за сите лоши дела!

Луна Џогани пред пет месеци се оствари во улогата на мајка, а во деветтиот месец од пременоста го кажа судбоносното “ДА” и се омажи за Марко Миљковиќ.

Парот ја доби ќерката Миа која е круна на нивната љубов.

Имено сега за прв пат Луна Џогани реши јавно да проговори за бракот и за негативните коментари кои ги добивала од оние кои баш и не ја сакаат поради нејзината пеиказна со фолкерот Слоба Радановиќ, со кој Луна беше во врска додека беа во реалното шоу Задруга. Имено Слоба тогаш беше во брак со пејачката Кија Коцкар, која ја обвинува Луна дека токму поради неа го изгубила сопругот и вербата дека ќе се оствари во улога на мајка.

Луна неодамна изјави дека и е жал за Кија, и поради тоа што и го одземала мажот, сепак Кија рече дека тоа е лага, а да не била таа сега можеби работите би биле поинакви.

– Лаже дека ме сожалува. Ја слушнав како се смее додека јас плачев, па тоа е лага. Ми се допадна нечиј коментар на интернет, затоа што таа ми посака да бидам жена и мајка, некој напиша „па таа беше на половина пат и можеби ќе беше така да не беше ти“ … Тоа е се што треба да кажам – заклучи Кија.

На прашањето што се промени откако е во брак, Луна вели дека освен тоа што на хартија и пред Бога се заколнаа на вечна љубов, друго ништо не се променило.

– За мене бракот е брак, ништо не е сменето, само хартија и тоа што се заколнавме пред Бога, станавме едно, така гледам на тоа. Јас и Марко имаме ист однос, ист живот како порано, сега имаме дете. На повисоко ниво е поубаво, посилно, подобро. Ништо не се сменило од деновите кога бевме момче и девојка – изјави Луна во емисијата „Еден на еден“.

Открива дека по породувањето е хронично ненаспана и уморна…

– Секако, порано бев ненаспана и уморна, имам бебе кое има пет месеци, почнаа да му растат забите. Велат уживај додека трае, после нема ни да спие со тебе во кревет, така ми вели мама. Уживам во секој момент со неа, а кога сум уморна и нервозна и кога ќе ја видам како се смее, се ми поминува.

Инаку Марко важи за згоден фраер и миленик кај жените па Луна вели дека не и пречи тоа што е посакуван…

-Ме импресионира што мојот сопруг беше, и што и сега е резервиран и зафатен, тој е убав маж. Жените и денес го сакаат. Го познавав и пред реалното шоу, знаев за него, го гледав уште кога бев дете. Тој беше недопирлив и мистериозен, тоа го сакам. Тогаш ги сакав тие игри, тој беше недопирлив, сладок, топло ладно. Беше отворен за мене, поинаков беше отколку со другите девојки.

Луна открива дека нема да застане само на едно дете, туку сакаат да го прошират семејството…

– Планирам три деца, Марко сака уште. Но, јас се прашувам, важно е да одлучам колку. Идеална комбинација за мене е две девојчиња и момче. Би сакала да имам син, сите се жени во моето семејство. Можеби мојот син ќе личи на мене, ќе ги има моите трепки или веѓи. Господ да одлучи како ќе биде, само да имам повеќе деца.

Дали верувавте дека сите коцки ќе ви се поклопат?

– Секако дека знаев дека се ќе си дојде на свое. Јас го заслужив тоа. Тоа беше трнлив пат до среќата, но се исплатеше. Потполно сум среќна и остварена на секое поле и тоа на сите им го посакувам од се срце.

За негативните коментари кои ги добива секојдневно вели дека ги занемарува и научила да живее со нив…

– Не се замарам со тоа, особено што добив нов поглед на животот. Луѓето ме сакаат или не ме сакаат, им се допаѓам или не.  Важно е никој да не е рамнодушен, тоа е важно во секој бизнис. Имам порака, чувајте го својот живот, чувај се за својот маж ако го имаш, ако не, најди маж, дечко, раѓај, имај деца, воспитувај деца, фокусирај се на твојот живот рече Луна. Марко е среќен затоа што ја има Луна, Луна е среќна затоа што го има Марко, што и да сме јас и тој, се избравме. Има жени кои се грижат за мојот Марко, мислат дека мојот Марко заслужува малку повеќе од мене, а јас велам дека Марко избра токму таква Луна каква што е. Не знам да готвам, но јас сум одлична жена, знам да готвам, сакам бескрајно, јас сум прекрасна мајка, и така ме избра мојот сопруг, не грижете се за него и за мене .

– Не се плашам од ништо, мојата карма ме стигна по моите лоши дела. Кармата ми стигна кога требаше, ја отслужив казната. Господ сега ме награди, затоа што тоа го заслужувам со нешто. Да бев толку лоша немаше да го доживеам сето ова, фала му што сме сите живи и здрави, што имам мое семејство за кое треба да се грижам и што сум навистина среќна и не се оптеретувам себеси со другите луѓе и другите животи истакна Луна.