И во најтешките моменти мисли на другите: Овој гест на Милица Павловиќ ќе ве воодушеви- пејачката се појави на матурска забава и му ја исполни желбата на Срѓан!

Милица Павловиќ минува низ тежок период откако ја загуби бабата која ја одгледа, а младата музичка ѕвезда и покрај болката реши како што вети да израдува еден од матурантите.

Иако за кратко време остана без двајцата сакани луѓе, Павловиќ сакаше да продолжи со плановите и обврските онаму каде што застана.

– Милица отпатува за Бања Лука каде ќе го придружува Срѓан Адамовиќ, студент на Електротехничката школа. Ќе биде на висината на задачата, како и обично, и ќе се потруди да му ја разубави оваа посебна вечер, како што вети, рече соговорникот.

Да потсетиме, нејзиниот четврти студиски албум „Посесивна“ излезе во април годинава, а на почетокот на мај на својот Инстаграм профил објави видео во кое објави кој е среќниот матурант од Бања Лука кој ќе има можност да ја однесе популарната пејачка на неговата матура како придружник..

– Навистина неверојатно чувство за мене, играм кошарка, јас сум професионален кошаркар. Немам зборови, изјави Срѓан по ждрепката.

Срѓан додаде дека е импресиониран, и дека сите навиваат за него.

За оваа прилика Милица облече раскошен фустан со крем боја со потпис од дизајнерката Матија Вујиц.
Фустанот имаше длабоко деколте украсено со дијаманти.

Одбра нежен накит и јака впечатлива шминка.

 

Таа на својот Инстаграм профил ги сподели импресиите од овој ден кој особено му беше од важност на Срѓан.

-Прекрасна Бања Лука. И прекрасен Срѓан. Ти благодарам за се’! Немам зборови со кои можам да опишам колку сила и љубов ми дадовте, особено во овој момент од мојот живот. Ми беше чест да ја почувствувам вашата енергија, да се дружам со вас и да им посакам на прекрасните матуранти да ги остварат сите нивни соништа. Благодарна сум на Бога што ми ја даде оваа привилегија, која ми дава сила да продолжам да се борам. Ве сакам“ – напиша Милица.

Да потсетиме, пејачката Милица Павловиќ пред неколку дена ја изгуби својата баба, која починала во Белград, каде била сместена во старечки дом .

Пејачката се огласи и ги замоли своите пријатели и блиски само едно нешто:

– Животот навистина пишува романи, а досега во неколку наврати сум имала ситуации кои во само еден момент ми го превртеле целиот живот. За година и пол останав без луѓе кои беа моето семејство, мојот дом, мојот тим. Во ноември 2020 година, мојот дедо си замина, а денес истото сценарио, истите луѓе, само мојата Рада заминува. И сега имам две мали ангелчиња на моето рамо. Од едната страна си ти, а од другата страна е мојот Дедо. И од утре заедно пишуваме нови победи. Затоа што ние сме сепак тим. Пееме, танцуваме, го славиме животот. И имам едно мало барање до сите луѓе кои ме познаваат, ме сакаат, ме поддржуваат, .. Само не ме прашувајте ништо. Дозволете ми да научам да живеам со оваа ситуација на свој начин. И оваа болка … претпоставувам дека ќе успеам да ја скротам некако со текот на времето. Барем така се надевам. Морам – напиша Павловиќ.

Инаку Милица е родена во Швајцарија, но веќе на три месеци, кога нејзините родители се развеле, се преселила во Доњи Буниброд, кај Лесковац, каде што живееле нејзината баба Рада и дедо ѝ Владимир.

Пејачката порасна со нив, тие ја одгледаа и ја воспитуваа, а секогаш истакнуваше дека имала среќно детство и дека тие и биле најголемата поддршка.

Дедото на Павловиќ почина пред година и пол, а сега таа остана без својата мила баба за која беше многу приврзана. Рада последниве години станала дементна, а потоа и била констатирана Алцхајмерова болест.

Милица неодамна и самата зборуваше на оваа тема, па откри дека родената баба не ја препознава.