“Им забранив на децата да гледаат телевизија и да користат мобилен”- Ана Ивановиќ открива како ги воспитува децата!

Поранешната тенисерка Ана Ивановиќ многу ретко зборува за својот приватен живот.

Таа ја чува приватноста далеку од очите на јавноста, но одвреме навреме на социјалните мрежи знае да постави фотографија од неа и нејзиниот сопруг.

Сепак Ана не е од оние мајки кои постојано објавуваат фотографии од своите деца, па јавноста речиси и не знае како изгледаат нејзините синови Лука и Леон.

Имено Ана и Бастијан Швајнштајгер се во брак од 2016 година, а имаат и две синчиња.

 

Убавата тенисерка сега откри како ги воспитува своите деца и како се снаоѓа во време на пандемија.

– Јас сум мајка која не дозволува децата да имаат iPad, iPhone или телевизор, ништо не се гледа во нашата куќа. Ги стимулирам многу да читаат, да работат. Не е секогаш лесно да се организира еден ден, особено кога немате можност да ја напуштите куќата, но јас се обидувам да бидам креативна во сето тоа – изјави Ана за емисијата „Спортлајт“.

 

– Не гледам телевизија, не користам iPad, добро, морам да имам телефон …

Навистина, не трошам многу време на електронски уреди. На децата им треба љубов. Децата се иднината. Не им требаат многу играчки, материјални работи, колку што им треба внимание и љубов, а само родителите можат да ги обезбедат тие работи на вистински начин – додаде таа.

Во продолжение неколку фотки од Ана и Бастијан…