Заблуди поради кои мајките се откажуваат од доењето!

Секое дете има различен пристап кон хранењето, единственото заедничко нешто што имаат децата е дека мајчиното млеко е најдобрата можна храна што можат да ја добијат во првите денови од својот живот и дека не треба да се додаваат течности особено не на дете кое се дои.

Имајќи го тоа предвид, ви откриваме седум вообичаени заблуди за доењето, количината и квалитетот на млекото, поради што многу мајки неоправдано се откажуваат од доењето.

Доколку градите се полни со млеко тоа не мора да е показател за количината на мајчино млеко што го цицало бебето. Оваа ситуација може да се смени за неколку часа. Честопати жените кои често и правилно ги поставуваат бебињата на своите гради, никогаш не чувствуваат прекумерна исполнетост во градите. Сепак, понекогаш имаат повеќе млеко отколку што му треба на бебето. Во ниту една ситуација не можеме да бидеме сигурни дека бебето испило доволно млеко, само ако е индикатор фактот што се полни градите на мајката.

Фактот дека бебето спие цела ноќ не е показател дека пиело доволно мајчино млеко. Напротив, ако бебе старо 10 дена спие цела ноќ, обично не е доволно нахрането.Познато е дека дете кое премногу спие и не бара само да јаде, не добива доволно млеко. Постојат многу исклучоци, но во овој случај треба да побарате помош од експерти.

Иако детето може да плаче после јадење поради глад, постојат и други причини зошто детето може да плаче. Нема потреба да се ограничува времето на доење. И, спротивно на вообичаениот совет да доите 20 минути на едната дојка, а истата количина на другата, би било подобро да го завршите хранењето на едната дојка, а дури потоа да преминете на другата, доколку детето го сака тоа.

За една мајка што го дои своето дете на секои три часа тоа може да изгледа премногу често, додека за друга истиот период е предолг. Хранењето кое трае 20 минути е премногу долго за една мајка и прекратко за друга. Во реалноста, не постои правило за тоа колку долго или колку често треба да се храни дете.
Не е точно дека бебето добива 90 проценти храна во првите 10 минути од цицањето. Дозволете му на вашето дете само да го одреди распоредот за хранење. Покрај тоа, запомнете дека бебето може да биде на гради и 24 часа, но ако не цица правилно, нема да пие доволно млеко. Ако детето јаде правилно може да цица и само 2 минути. Ако бебето заспие брзо на градите, постојат одредени процедури со кои можеме да го „убедиме“ да продолжи да јаде.

Ако сеуште немате доволно млеко и додатокот е навистина неопходен, постојат начини на кои децата можат да се хранат без употреба на вештачко млеко.

Повеќето мајки имаат доволно млеко. Најчеста причина зошто бебето не добива доволно млеко, што може да го добие и кое е во градите, е лошо држење на телото или неправилно цицање или и двете. Овие проблеми обично се лесни за решавање.

Ако на бебето му понудите шише по доењето и тоа го прифати, не мора да значи дека е гладно, а овој метод на проверка е штетен за квалитетно доење.

Ова не мора да значи дека мајчиното млеко „пресушило“ или изгубило квалитет. Во текот на првите недели од животот, бебињата обично заспиваат на дојките кога протокот на млеко се намалува, дури и кога не завршиле со хранењето.

Постарите бебиња (стари четири до шест недели) повеќе не треба да заспиваат на гради за време на хранењето и честопати се оддалечуваат од градите. Ова не значи дека количината на млеко е променета, туку детето се менува.

Постојат поспецифични методи, како што е притисок врз градите, за да се „убеди“ бебето да продолжи да цица.