Жељко и Милица Митровиќ градат династија: Овој замок е архитектонско чудо вредно милиони евра- ѕирнете во новата семејна оаза

Жељко Митровиќ важи за еден од најмоќните луѓе на Балканот.

Сопственикот на Телевизија Пинк, Жељко Митровиќ и неговата сопруга Милица градат замок на Дедиње, кој ќе биде ново семејно гнездо.

Архитектонското чудо, како што го нарекуваат, се наоѓа во елитниот дел на Белград на улицата Ужичка, а се проценува дека ќе вреди неколку милиони евра.

Милица и Жељко ангажираа цел тим архитекти кои работат на проектот на нивниот дом кој ќе биде изграден во стилот на неокласицизмот.

Високите тавани и многу светла ќе ја красат оваа прекрасна зграда. Според проектот, на сончевата страна од дворот ќе биде лоциран и базен. Бања и теретана ќе бидат составен дел од нивниот нов дом како и сала со проектор налик на кино.

Судејќи според фотографиите, масивните симетрични фасади не се единствениот елемент кој го привлекува вниманието на минувачите, туку и фактот дека базените ќе бидат сместени на покривите, темелот на оваа зграда е заснован на „златниот пресек“ и акцентот на вилата е на еднакви димензии, што ќе направи една општа хармонија, објави српски Телеграф.

За потсетување, пред да биде со Милица, Жељко беше во брак со Соња со кого има две деца – ќерката Сандра и синот Александар.

Во деведесеттите години сите ги знаеја хитовите на Соња Митровиќ Хани, која правеше дармар на југословенската сцена. Нејзините најголеми хитови постојано се пуштаа во најпопуларните дискотеки и на нив порасна цела една генерација. Иако Хани беше во можност да направи одлична музичка кариера, се повлече од сцената и денес ја нема речиси никаде, пишуваат српските медиуми.

Денес, таа е во одлични односи со поранешниот сопруг, но и со неговата втора сопруга Милица, со која Жељко има две ќерки – Кристина и Андреа.

Таа зборуваше за нејзината кариера во претходните интервјуа, а еден дел од нив можете да прочитате продолжение.

„Додека пеев, никогаш не одев на турнеи што траеја по месец дена и се обидував во секој момент да бидам посветена на моите деца и од дома да не отсуствувам повеќе од три дена. Точно, додека се грижев за моите малечки, имав несебична помош од семејството на Жељко и од моето семејство, кои беа и секогаш се тука кога ми е потребно. Поддршката на семејството е најосновна и затоа отсекогаш сум го мразела терминот самохрана мајка“ – изјави Сандра Митровиќ Хани за нејзината кариера и бракот.

 

Инаку со месеци главна тема во медиумите е ќерката на Жељко Митровиќ, Кристина и нејзиниот партнер Илија.

Тој по потекло е од Украина, а медиумите почнаа да се интересираат за него посебно откако се дозна дека би можел да ја наследи империјата „Пинк“ бидејќи наскоро планира да ја ожени ќерката на Митровиќ.

Од фотографиите на Кристина можеме да видиме дека уживаат во неверојатен раскош, па многумина се прашуваат од каде му се парите на младото момче.

Тие се возат со приватни авиони, со хеликоптер одат на вечера и купуваат само од ексклузивни продавници на познати брендови.

Како што пишуваат медиумите, зетот на Жељко Митровиќ наводно е наследник на империја со ураниум и еден од најмладите милијардер на светот.

Оние што го познаваат младиот пар велат дека семејството на Илија е едно од најуспешните во трговија со ураниум, а покрај семејниот бизнис, Илија има и сопствен, кој што го води во Лондон и Обединетите Арапски Емирати.

Илија и Кристина се запознале за време на студиите во Англија, каде тој бил еден од најдобрите студенти.

„Украинецот го обожава Жељко и одлично е упатен во секој негов проект. Го поддржува во неговите потфати, а и со идната баба Милица се согласува одлично“, вели за српскиот Курир извор близок до парот.