Доктор Кон советува: Мајките кои дојат треба да стават двојна маска на лицето

Короната не може да  се пренесува преку млеко, но мајките повторно мора да бидат внимателни

Епидемиологот д-р Предраг Кон откри дека размислува за препораката на Светската здравствена организација, која вели дека мајките, иако се заразени од ковид, можат слободно да ги дојат своите бебиња затоа што вирусот не може да се пренесува преку млеко.

– Нема доволно докази за тоа. Најверојатно тие издадоа таква препорака затоа што е тешко инфекцијата да се појави на тој начин. За да може мајката да не го зарази бебето додека дои, таа мора да се грижи да го заштити начинот на пренесување на вирусот, што е респираторно, и да се обезбеди дека детето не е изложено на можноста да се зарази преку пренесување на капки. Значи, таа мора да молчи кога дои, да ја покрие устата, евентуално да стави двојна маска за да биде побезбедно, и тоа е тоа – истакна тој.

Д-р Кон потсети дека мајките кои имаат грип можат и слободно да дојат.

– Таа може да има температура од 39 и може да дои, но мора да стави маска. Ова е вообичаено кај респираторни инфекции. Истото важи и за сипаници,. Значи, таа мора да ја покрие устата за да не го зарази детето преку респираторниот тракт за време на доењето.

Доењето на бебето е едно од најважните делови на мајчинството, а неговите предности се многу големи за новороденчињата.

Меѓутоа освен што доењето е добро за бебето тоа е одлично и за мајките.Најновите истражувања покажаа дека доењето го намалува обемот на половината кај мајките.Во истражувањето „Резултати од бременоста и здравје во заедницата“ спроведено на универзитетот во Питсбург и државниот универзитет во Мичиген учествувале 700 жени. Истражувачите ги набљудувале мајките 7-15 години откако се породиле.

Резултатите кои се објавени во списанието „Journal of Women’s Health“ покажале дека мајките кои ги доеле своите деца повеќе од шест месеци имале потенка половина за четири сантиметри во споредба со половината на мајките кои престанале да ги дојат своите деца пред шестиот месец.

Освен тоа мајките кои подолго ги доеле своите деца имале и помал обем на колковите.Истражувачите ги зеле предвид и годините, расата или етничката припадност, компликациите во текот на бременоста, социоекономскиот статус и факторите за здравиот начин на живот.

Научниците откриле дека мајките кои ги доеле своите деца имале помал индекс на телесна маса и помал систолен и дијастолен крвен притисок. Причината за тоа е што мајките кои дојат најчесто се личности кои заради нивното бебе се хранат здраво.