Дарко Лазиќ: Барбара ќе биде единствената жена со која ќе направам голема свадба!

Пејачите Барбара Бобак и Дарко Лазиќ веќе пет месеци се во емотивна врска а сега си ја отворија душата и најавија дури и свадба.

Лазиќ откри дека повеќе нема да коментира за неговите жени од минатото:

– Си ветив дека нема да коментирам ништо во врска со поранешните партнерки. Тие се оние кои ме претставуваат во јавноста како неодговорен татко, коцкар и бесен пијаница, јас не го правам тоа. Никогаш не одев наоколу и не зборував лошо за бившите. Тоа не е мој стил, особено што никогаш не би кажал лоши зборови за мајките на моите деца. Барбара е друга приказна. Се сложуваме во сè, претпоставувам дека можете да видите среќа на мене ?! Таа е девојка која не е љубоморна, има силен карактер и верувајте дека нема нешто што би го променил во нашата врска. Можам да кажам, од оваа гледна точка, дека таа е жената со која планирам деца и брак. Дај боже, еден ден и да правиме свадба, верувам и таа го мисли истото затоа што решив да се оженам неа. Сите поранешни се небитни, се женам со Барбара – низ смеа рекол Дарко, па Барбара продолжила.

– Прекрасно ми е со Дарко. Ќе се согласам со се што кажа. Мислам дека предуслов за успешна врска е партнерите да бидат искрени. Ако нешто се крие, лаже и заговара, нормално е дека во одреден момент сето тоа ќе излезе на виделина и ќе настане хаос – рече Бобак, а потоа Лазиќ додаде:

– Сите знаат дека сум бил оженет, како и дека бев во вонбрачна заедница, но никогаш не сум правел свадба со никого, сега ќе направам. Дај боже, да остане вака, Барбара ќе биде единствената жена со која ќе направам голема свадба.

Барбара пак реши да стави крај на приказните дека Дарко ја промовирал и дека благодарение на него имала тезги и настапи.

-Имав работа и пред Дарко. Не е точно дека ме турка тој. Не ми треба рекламирање. Моите родители ме воспитаа да заработам се со мојот труд. Не правам ништо над туѓ грп и горда сум на тоа. Јас и Дарко сме во ист бизнис и тоа е причината што многумина мислат дека ме турка и ми ги троши парите. Се шушкаше дека повеќе не работи, дека никој не му се јавува затоа што прави проблеми, но тоа не е точно. Тој и јас работиме без престан. Тоа што не се рекламираме не значи дека седиме дома. Ние си ја гледаме работата и мислам дека тоа е најдобриот начин – изјавила Барбара за „Република“.

Неодамна Барбара рече дека по пет месеци врска е сигурна дека Лазиќ е мажот на нејзиниот живот.

– Дарко и јас мислиме дека е одлична идеја да се венчаме! Во моментов не сме во многу добри односи со Марина, но со Ана сме. Ако правиме свадба, ќе ги поканиме и двете! Колку повеќе, толку подобро – изјави Барбара.

-Дарко е љубовта на мојот живот, ние сме како едно, додаде таа.

Барбара истакна дека тие немаат проблеми со Ана Севиќ, поранешната сопруга на Дарко со која тој ја има ќерката Лорена.

– Ана е остварена и не прави драма за ништо. Се запознавме во трговскиот центар, прекрасна е и како личност и како мајка. На Ана и симнувам капа како ја одгледала својата ќерка, која е прекрасно, интелигентно дете. Посакувам да имам таква ќерка! – вели пејачката и додава дека таа и фолкерот работат на бебе: – Со Дарко често зборуваме за деца, сигурна сум дека ќе имаме бебе!