Данијела Мартиновиќ ја пронајде вистинската љубов на 51 година- пејачката блеска од среќа во прегратките на инспекторот кој и ја врати вербата во љубовта

По љубовниот бродолом кој го доживеа со пејачот Петар Грашо со кого беше во врска повеќе од две децении Данијела Мартиновиќ, конечно е среќна и исполнета.

Полицискиот инспектор Јосип Плавиќ, и ја врати вербата во љубовта и беше сосема доволна причина популарната пејачка да биде главна тема во медиумите во последните неколку недели.

Фановите на пејачката велат дека никогаш не изгледала посреќно и сметаат дека Јосип беше делот кој фалеше за таа да биде исполнета жена.

Пејачката никогаш не сакала претерано да ги споделува деталите од својот приватен живот во јавноста, новата љубов на Данијела Мартиновиќ по раскинувањето со Петар Грашо беше вистинска енигма за јавноста, а таа на почетокот оваа романса ја чуваше подалеку од љубопитните погледи, но откако нивните заеднички фотографии протекоа во медиумите, заљубениот пар престана да се крие.

Пејачката, на која и оди одлично и на деловен план, го претстави новиот спот за песната „Верувам во луѓе“. Во емисијата „Код нас дома“ прозборе за љубовта, среќата и вербата во луѓето.

– Позитивноста е етикета која постојано ме следеше и дури во еден период беше речиси тажна, бидејќи мислев дека луѓето навистина не разбираат дека тоа е оптимизам, дека е поглед на животот, дека не е ниту несериозност, ниту површност но токму спротивното – рече пејачката на темата по епитетот по кој е надалеку позната, а потоа додаде:

– Не носам розови очила, напротив, го гледам светот таков каков што е, но навистина верувам дека тоа што ни се случува има свои причини и кога поминуваме низ тежок период, секогаш знам дека постои повисока цел – рече Даниела.

Пејачката потврди дека се смета себеси за среќна жена особено сега кога  се насмевна среќата и во љубовта.

Инаку ова е прва јавна врска на Данијела Мартиновиќ откако во 2021 година ја прекина 24-годишната врска со Петар Грашо.

„Таа заслужи да го има вистинскиот маж покрај себе“, откри блиска пријателка на пејачката, откривајќи дека мисли дека Данијела конечно го пронашла мажот на нејзиниот живот.

Пејачката откри дека нивната љубовна приказна е необична и ќе се најде во нејзините идни песни.

– Кога најнеобичните околности ќе спојат двајца апсолутни странци, кои дотогаш не знаеле ништо еден за друг, тогаш, секако, ви паѓа на памет дека тоа би можело да биде филмско сценарио. Поминуваме низ многу убави моменти за кои во иднина секако ќе се изразувам во литературата бидејќи сакам оваа приказна да биде снимена.

Блиската пријателка на Данијела за Слободна Далмација откри дека пејачката е пресреќна и исполнета.

-Таа е вљубена во него и јас сум навистина среќна поради тоа. Заслужи покрај себе да има вистински маж кој неизмерно ја сака, почитува и цени. Имаат слични ликови, се согласуваат за многу работи и конечно мислам дека Данијела го најде човекот на својот живот – изјави таа.

Пејачката откри и интересни детали за своето момче.

– Јосип долги години не возел мотор. Рокот е неговиот начин на живот, а неговиот изглед е нешто сосема природно и мислам дека добро му одговара. Мотор вози затоа што ја сака природата. И двајцата сакаме авантури. Сепак, ми дозволи едно возење со мотор, но без премногу адреналин. Повеќе како, туристички. Тој е внимателен – рече таа.

Инаку, Павлиќ има ќерка, која Данијела ја запознала и за која вели дека е воодушевена.

– Ќерката на Јосип е прекрасна девојка која студира ликовна уметност и графички дизајн во странство. Таа е талентирана и верувам дека и претстои меѓународна кариера – откри Данијела.

Пејачката истакнува дека немала поим дека ќе се заљуби и дека ужива со Павлиќ.

– И јас и Јосип се смееме од моментот кога се запознавме. Ниту тој, ниту јас не ги очекувавме стрелите на Амор, не погодија од заседа – истакна пејачката за „24сата.хр“.