ГОТОВО Е: Карлеуша ги спакува куферите и си замина од Душко- еве каде беше виден тој за прв пат по објавата дека се разведуваат

Душко Тошиќ за прв пат се појави во јавност, откако неговата сопруга Јелена Карлеуша ги извести медиумите дека двајцата ќе ја прекинат врската по четиринаесет години брак.

Во негов стил Душко не се изјасни за новонастанатата ситуација, а припадниците на седмата сила оттогаш будно го следат секој негов чекор.

Сега Душко Тошиќ за прв пат беше виден во јавноста на натпреварот Војводина – Напредак, кој го гледаше како фудбалски менаџер, што е професијата што ја избра кога официјално ги „остави копачките“.

И покрај пишувањата и тешката семејна ситуација во која се наоѓа семејството Карлеуша – Тошиќ, Душко избра да се посвети на работата како вистински професионалец.

Од друга страна, Јелена ги спакува куферите и го напушти семејниот дом, за да собере енергија во Турција за работните потфати што ја очекуваат во текот на летото и да остави емоциите да се смират.

Кој е следниот чекор на брачната двојка останува да видиме.

Јелена Карлеуша наводно шест месеци се обидувала да го спаси бракот со сопругот Душко Тошиќ.

Имено, по семејниот инцидент на Божиќ годинава, кога Душко наводно ја плукнал и и удрил шлаканица на пејачката, за што му беше забранет пристап, Јелена на секој можен начин се обидела мирно да ги надмине сите брачни несогласувања заедно со сопругот, но не успеала.

И покрај сите проблеми што ги имаа и покрај турбулентната врска, таа дала се од себе за да ја одржи својата заедница во живот. Но, Душко бил цврсто решен во одлуката да се разведе, па кога сфатила дека разделбата меѓу нив по 14 години е неизбежна, Карлеуша се помирила со ситуацијата.

Дури и нејзините најверни обожаватели кои присуствуваа на нејзините настапи во последниот период можеа да забележат дека Јелена страда и дека борбата за опстанок на бракот остави трага на неа.

Така беше и на нејзиниот концерт во еден клуб во Загреб на почетокот на јуни, не долго откако таа и Душко се договорија да го прекинат бракот, пренесува „Курир“.

Тогаш, според извор кој бил присутен на настапот таа вечер, Јелена, пред да ја отпее една од нејзините најемотивни песни, „Tihi ubica“, на почетокот на песната, го кажала зборот „за жал“ со тажен и расплакан глас , што не е дел од текстот на оваа балада.

„И за жал… се будам сама, очите никого не бараат…“, пееше тогаш Карлеуша, а никој од присутните не можеше да претпостави дека тогаш индиректно ја опиша семејната драма низ која поминувала што само еден месец подоцна, резултираше со нејзината објава за развод.

Инаку, Јелена во интервју за магазинот „Хелоу“, прво по објавувањето на разводот истакна дека жената е кичмата и столбот на секое семејство, која многу се наведнува и кога не сака и дека мора да има компромиси во долгиот брак.

„Мене животот не ме милуваше. Нашето семејство помина низ подеми, падови, трагедии, напади од разни видови. Во меѓувреме мајка ми почина, деца се родија и пораснаа, Душко ја заврши кариерата и започна нова, и сè уште жонглирам за да ги исполнам очекувањата на сите. Се борев. Имам силен ‘рбет. Не сум од оние кои ги креваат рацете и се откажуваат. Јас не сум ниту од оние што мислат дека треба да го трпат неуспехот, најдобра карактерна особина, но и проклетство. За жал долгорочно во бракот мора да има многу компромиси и на таа жена многу и се витка кичмата и кога не сака“, изјавила Јелена.