Ги оставија партнерите за да бидат заедно: Јована Јоксимовиќ открива- Не сме грешници, љубовта победува!

Јована и Жељко се во брак речиси 13 години, и тие двајца имаат три деца – синот Коста и ќерките Ана и Срна.

Врската помеѓу Јована и Жељко Јоксимовиќ, а потоа и хармоничниот брак, на самиот почеток беше проследена со злобни коментари и болни невистини, кои ги повредуваат не само нив, туку и нивните сакани.

Имено, парот само неколку месеци пред да се запознае, а потоа и да ја започнат романсата, ги прекина љубовните врски со тогашните партнери.

Јована беше во љубов со Александар Зеремски за кого беше свршена а Жељко беше во врска со водителката и поранешна манекенка Адријана Чортан.

Во медиумите беше претставено дека тие се одлучиле на тој потег со намера да бидат заедно, но тие најостро демантираа. Според Јована, средбата по повод заедничкиот водителски ангажман за Евровизија одржана во Белград кај нив разбудила прво колегијална, а потоа пријателска врска, а дури подоцна во стомакот им проработиле пеперутки.

– Се зближивме многу и не се сеќавам како дојде до тоа пријателството да прерасне во нешто повеќе. Сè се разви брзо и самостојно, а можеби и тоа беше логична последица. На почетокот станавме многу добри пријатели, што беше чудно, бидејќи и двајцата не сме тип на луѓе кои лесно пуштаат нови луѓе во својот свет – изјавила новинарката.

Потоа додаде дека е тажна што таа и таткото на нејзините три деца во тоа време во медиумите биле претставени како грешници и прељубници.

– Не знам зошто нè претставуваат така, бидејќи не гледам што е грев. Жељко нема никаква врска со мојот претходен емотивен живот и одлуката за раскинување. Не го оставив Саша да бидам со него и тоа е единствената вистина. Се разделивме на сосема нормален и пријателски начин зборувајќи за нашата врска која повеќе не беше како порано. Свршувачката ја раскинав 15 дена по запросувањето за врската да не оди понатаму во брак со сето незадоволство што беше присутно, многу поправедно беше да се прекине. Верувам дека нешто треба или да биде идеално или не. Многумина би продолжиле да го негуваат, но јас не ја замислував нашата иднина како таква – рече таа.

– Иако ништо спектакуларно не се случи, новинарите го напишаа тоа што им падна на ум, бидејќи никој од нас не сакаше да излезе во јавноста и да ја каже вистината. Мојот изглед тогаш би бил сосема несоодветен, бидејќи ја преживеав Евровизија, раскинувањето, потоа бев сама извесно време… Бев преокупирана со моите животни проблеми – изјави сопругата на Жељко Јоксимовиќ.

– Во љубовта и воопшто во животот не размислувам многу што ќе се случи утре. Додека е убаво, нека трае. Јас сум личност кој ужива во моментот. Нема тајни меѓу нас. Се смееме цело време. Во принцип, сакам позитивни луѓе, оние кои ме прават среќна и со кои нема тешки и нерешливи ситуации. Кога Жељко го нема на сцената, а јас не сум пред телевизиските камери, водиме сосема нормален и обичен живот – заврши Јована.

За потсетување, пред да стапи во брак со Јована, миленикот на женската публика Жељко Јоксимовиќ беше оженет со Весна Јоксимовиќ, со која ја има ќерката Мина.

Тие се венчаа кога тој имаше 23 години, а пејачот побара од Српската православна црква да го поништи бракот пред околу 10-тина години, за да може да и вети вечна љубов на Јована пред Бога.