Билјана Дебарлиева се пофали со новиот имиџ и собра низа комплименти: Еве зошто важи за една од најубавите дами во Македонија (ФОТО)

Билјана Дебарлиева со години е на телевизиските екрани, а воедно важи за една од најубавите водителки кај нас.

Секогаш насмеана, елегантна со префинет вкус, каде и да се појави не може да остане незабележана.

Русата коса е нејзин заштитен знак а дека за неа годините се само бројка покажува и последната фотографија која ја сподели на социјалните мрежи направена пред неколку дена.

Имено Билјана се пофали со својата нова фризура и позираше во еден познат салон за убавина.

Познатата боб фризура одлично и прилега а шишките настрана ја прават да изгледа многу помладо.

На крајот на минатата година, на 19-ти декември Билјана го прослави својот 50-ти роденден па повторно блесна во нејзин стил. Убавата водителка за оваа прилика реши да облече кошула во бледо розевва боја, и модерни панталони во истата боја. Најубавиот детал сепак беше нејзината насмевка по која и е препознатлива.

„Роденденот ми беше на 19-ти декември, на Св. Никола, ама бидејќи е празник кој го слават многу семејства, па и голем дел од нашите пријатели, нема да можев да ги соберам на тој ден, со сопругот одлучивме да ја направиме роденденската прослава неколку дена подоцна.

-Сопругот ми направил и едно изненадување, 7-минутно видео со фотографии од убави и важни моменти и приватно и професионално од моите изминати 50 години, буквално од детството, тинејџерските години, па сè до ден денес. Го правел без да знам јас, за да биде изненадување, и навистина беше и за мене и за сите што беа на прославата, рече Билјана за Црно Бело.

Билјана е дваесет и осум години во брак со сопругот Јован Дебарлиев, а плод на нивната љубов се нивните две деца, ќерката Ана и синот Мики.

Се запознале во Охрид, родниот крај на Билјана, за време на летен одмор.

„Кога ќе се навратам назад, што сѐ не поминало во овие години зад нас. Не можам да кажам тајна или формула за успешен брак. Од мое лично искуство е да има толеранција меѓу партнерите, да нема воопшто љубомора. Ниту јас сум љубоморна, ниту мојот сопруг е љубоморен на мене. Иако типот на мојата професија некогаш барал да останувам многу до подоцна, да не бидам присутна дома. Никогаш не сум оставила простор да се посомнева во нешто. И тој секогаш ја имал слобода кога требал да излегува и шета. Кога ја имаш довербата не се измачуваш и не се јадеш самиот цебеси и не помислуваш на некакви црни сценарија“, рече Билјана.