Антонија Гиговска: Не сум арогантна, жалам што така ме доживуваат

Младата Антонија Гиговска јавноста ја запозна како дел од музичкото шоу Пинкови Ѕвездички а денес е една од најголемите ѕвезди во Македонија.

Убавата русокоса гордо чекори на патот до успехот и со својот препознатлив стил на музика сигурно и престои одлична кариера.

Антонија летово работи со полна пареа а пред извесно време отпатува во Србија да ја подигне наградата поп пејачка на годината.

Таа во интервју за естрадниот магазин Бекстејџ истакна дека мислењата на луѓето кога е во прашање нејзиниот карактер се поделени и многумина сметаат дека е арогантна.

– Јас не сум арогантна, сите оние кои имале прилика да ме запознаат го знаат тоа. Јас сум една девојка која што е сосема природна, секогаш насмеана, расположена, секогаш опкружена со луѓе, јас и се плашам да сум сама, и несакам да сум сама, имам еден затворен круг на пријатели кои што се секогаш тука за мене, имам и пријатели познаници но никогаш не излегувам од оној круг на најблиските затоа што многу пати сум погрешила бидејќи многу се приврзувам за луѓе.

На нејзините настапи вели дека била сведок на многу непријатни ситуации…

-Понекогаш некој знае да биде премногу нападен, да те следи, да те исплаши. Имало и такви ситуации, ми стигнувале и пораки на Инстаграм од луѓе кои ме следеле пред зграда, но со искуството се навикнува, вели Антонија за Бекстејџ.

За љубовта открива дека решила приватниот живот да го крие од очите на јавноста но дека се уште е во врска со Иван Јованов од Либеро Бенд.

-Да, заедно сме уште со Иван, многу луѓе ми го велат тоа дека повеќе не сме заедно, дека не објавуваме фотографии, но ние сме заедно и одлично функционираме, можеби е нешто поразлично затоа што последнава година гледам својот приватен живот да го тргнам малку понастрана од социјалните мрежи, сметам дека бев премногу активна и премногу ме имаше со сите мои поранешни партнери и мислам дека тоа требаше да се смени и ми кликна нешто во глава дека тоа не треба да биде повеќе така. Со Иван сме се уште заедно, јас си имам свои обврски тој си има свои и ништо не е сменето.

Инаку поранешната „Пинк ѕвездичка“ се појави на фестивалот „Скале“ каде ја престави својата песна „Око моје“ што ја испеа на српски јазик.

Гиговска која беше една од многуте што се појави на сцената на фестивалот Скале кој се одржува во Херцег Нови, и е продолжение на „Сунчане скале“, со своето провокативно издание никого не остави рамнодушен.