УШТЕ ЕДНО 9-ГОДИШНО МОМЧЕ НАПРАВИЛО СПИСОК ЗА ЛИКВИДАЦИЈА! Мајката тврди дека тоа дел од негова игра!

Момчето А.Ј.(9) од основното училиште „Десанка Максимовиќ“ во Белград е друго момче кое направило список со ученици кои наводно сака да ги уб.ие, објави српски Информер!

Дополнително, секогаш кога влегувал во училиштето, се правел дека пука во обезбедувањето!

Како што откри споменатиот медиум денеска околу 10 часот во белградската полиција се јавила помошник директорот на основното училиште Десанка Максимовиќ и пријавил дека подолг период имал проблем со ученик од трето одделение.

-Тој кажа дека кога момчето пристигнало во училиштето се преправало дека пука во обезбедувањето и дека после тоа ги бркал помалите деца во дворот. После тоа влегол во одделението и направил список со сите ученици што сака да ги уб.ие – изјавил соговорникот за Информер.

Тој додаде дека помошникот директор изјавил дека долго време имал проблем со тој ученик, како и дека го известил Центарот за социјална работа, но дека не добил никаков одговор.

-За се е известена и мајката на малолетникот, која изјавила дека тоа е дел од неговата игра и дека е добро дете – пишува Информер.

Мајката на малолетникот во полиција изјавила дека нејзиниот син само си играл и дека е добро дете.

Да потсетиме, Србија е во три дневна жалост откако вчера се случи трагичен настан во ОУ „Владислав Рибник“ во кој ученикот К.К. (13) од седмо одделение изврши убиство на 8 ученици и домарот, а рани шестмина врсници и наставничка.

Веселин Милиќ, началникот на Полициската управа на Град Белград изјави дека момчето што го изврши масакрот за себе изјавил дека е психопат.

Милиќ потврди дека момчето се наоѓаа во Полициската управа за Град Белград и дека тукушто заминал во една здравствена институција за лечење на малолетни лица, во присуство на работник од Центарот за социјална работа.

Милиќ во изјава за РТС повтори дека напаѓачот самиот ја повикал полицијата и ги известил за злочинот што го направил.

„Во разговор во присуство на Центарот за социјална работа, момчето изјавило дека бил игнориран од страна на друштвото во кое се наоѓало, и дека низ својот општествен живот бил исклучен од комуникација и игри на одмор или екскурзија, и дека тоа го навело низ своите мисли и работи да го направи тоа“, изјави началникот на Полициската управа, Веселин Милиќ.

Тој потоа изјави дека со молотовите коктели што биле пронајдени во неговиот ранец сакал да направи некој вид на ѕид или бариера на влезот во училиштето, како полицијата не би можела да влезе и да пружи помош.