ОТКРИЕНО ПОРЕМЕТУВАЊЕ ОД КОВИД-19 КОЕ ИТНО МОРА ДА СЕ ИСТРАЖИ: Се јавува кај еден од пет заболени!

Многу луѓе кои заболуваат со Ковид-19 се изложени на поголем ризик од развој на ментално нарушување, истакнаа психијатрите по големото истражување направено од Универзитетот Оксфорд во Велика Британија со кое било откриено дека 20 проценти од заразените со коронавирус развиваат симптоми на психичко нарушување во рок од 90 дена.

 

 

Психијатрите предупредуваат дека здравствените служби мора да бидат подготвени да обезбедат нега, за ваквите пациенти.

 

 

Анксиозноста, депресијата и несоницата се најчестите ментални нарушувања кај пациенти кои се опоравиле од Ковид-19, а исто така било откриено дека постои значително поголем ризик од деменција кај луѓето кои го надминуваат вирусот.

 

 

„Постои загриженост дека луѓето со Ковид-19 ќе бидат изложени на поголем ризик од нарушувања на менталното здравје и нашите откритија покажуваат дека тоа веројатно е вистина “, рече Пол Харисон, професор по психијатрија на Оксфорд.

 

Our President; @DrAdrianJames says:
"Responding to the growing mental health crisis demands urgent action and must be put at the centre of the government's pandemic response." It's why we're calling for an expansion of mental health services.https://t.co/9GM4Gsp9Sp

— Royal College of Psychiatrists (@rcpsych) November 10, 2020

 

Лекарите и научниците ширум светот итно треба да ги испитаат причините и да дефинираат нови третмани за ментални нарушувања по закрепнувањето од Ковид-19, вели Харисон, додавајќи дека  здравствените услуги мора да бидат подготвени да обезбедат соодветна грижа, особено имајќи предвид дека е можно нашите резултати да се потценети.

 

Looking after your mental health while you stay home because of #coronavirus isn’t always easy — you may feel frustrated, anxious or miss loved ones. Discover helpful tips on managing your mental wellbeing, with #EveryMindMatters. ? ? https://t.co/BHXLICXHZc pic.twitter.com/2IK6UxUCpR

— NHS England and NHS Improvement (@NHSEngland) November 11, 2020

 

Во рок од три месеци по позитивниот тест за коронавирус, 20 проценти од луѓето доживеале симптоми како што се анксиозност, депресија и несоница.

Студијата исто така открила дека луѓето кои веќе страдале од ментални нарушувања имаат 65 проценти поголема веројатност да заболат од Ковид-19 отколку луѓето кои не страдаат од ментални нарушувања.

 

 

Експертите за ментално здравје, кои не беа вклучени во студијата, велат дека откритијата обезбедуваат дополнителни докази дека Ковид-19 може да влијае на мозокот и умот, зголемувајќи го ризикот од голем број психијатриски заболувања.

Пациентите кои прележале корона треба да бидат внимателни- грипот е голема опасност

 

 

Лекарите предупредуваат дека есента е периодот на сезонски грип, па поради тоа оние кои успешно ја прележале короната, треба особено да бидат внимателни.

Поради ослабениот имунитет, голема е веројатноста дека оние кои имале Ковид-19 многу полесно ќе се разболат од сезонски грип или други инфекции.

 

 

Лекарите ги предупредуваат пациентите со послаб имунитет, посебно оние заразени од корона, дека може да им се случи тешка клиничка слика, и затоа препораката до нив е да се вакцинираат против грип, за да избегнат потешки последици.

 

Совети од лекари за подигнување на имунитетот и заштита од вируси

 

– разновидна и здрава исхрана

– физичка активност

– одмарање

– физичка дистанца

– носење маски

– често миење на раце

– проветрување на просториите