Хит фотографија од породилиште во Австралија – кога во Македонија ќе има вакво нешто?

Породилиштето е местото каде мајката и бебето се запознаваат прв пат и го имаат првиот физички контакт. Тој момент треба да биде најубавиот но и најудобниот за мајките.

Имено во породилиштето знаеме дека болничките кревети на мајката и бебето се одвоени што во некои случаеви се покажа и како не толку добро решение.

Последните денови на социјалните мрежи кружи фотографија од пред неколку години на која мајка од Австралија на својот специјален болнички кревет има закачено креветче за новороденче.

Иако сè уште има родители и експерти кои предупредуваат дека спиењето заедно мајка и бебе е опасно, сепак едно австралиско породилиште е повеќе од свесно за сите непроценливите придобивки од заедничкото спиење на мајка и новороденче.

Имено ваквото креветче е дефинитивно одлично решение за сите мајки кои се породиле со царски рез и не можат веднаш да станат на нозе.

И секако за сите оние мајки на кои им е тешко породувањето и им е потребна поголема помош во првите денови по породувањето, за да можат да станат и да го земат бебето во раце.

Со оглед на тоа дека повеќето породувања се на некој начин стресен настан за мајката, ваквото решение за болнички кревет секако би било добредојдено за повеќето постпородилни мајки, бидејќи тие би можеле да го имаат бебето постојано со себе наместо да се мачат да стануваат…

Докажано е дека новороденчињата кои се разделени од мајките доживуваат уште поголема вознемиреност поради разделбата во првите денови по раѓањето.

Доколку биде до својата мајка бебето ќе може да го почувствува нејзиниот мирис и на тој начин сигурно посмирено и со љубов ќе го доживее доаѓањето во новиот свет.